Theo Sontrop

Ut Wikipedy
Jump to navigation Jump to search
Theo Sontrop
Livro preto.svg skriuwer
Germaine Greer & Theo Sontrop (1972)
Germaine Greer & Theo Sontrop (1972)
persoanlike bysûnderheden
echte namme Theodorus Alexander Leonardus Maria Sontrop
nasjonaliteit flagge fan Nederlân Nederlânsk
berne 2 maaie 1931
berteplak Haarlim
stoarn 3 septimber 2017
stjerplak Flylân
wurk
taal Nederlânsk
útjouwer J.M. Meulenhoff, De Arbeiderspers
offisjele webside
Profyl Sontrop yn de DBNL

Theodorus Alexander Leonardus Maria ("Theo") Sontrop (Haarlim, 2 maaie 1931Flylân, 3 septimber 2017) wie in Nederlânsk dichter, letterkundige en útjouwer.[1]

Wurkpaad[bewurkje seksje | boarne bewurkje]

Sontrop studearre oan de Ryksuniversiteit Utert, mar wie fan 1 desimber 1956 oant 19 jannewaris 1959 ek redakteur fan it oan de Universiteit fan Amsterdam ferbûne studintewykblêd Propria Cures. Hy arbeide op mei redakteuren lykas Piet Borst, Hugo Brandt Corstius, Joop Goudsblom, Renate Rubinstein en Aad Nuis.

Letter waard Sontrop learaar en wie er belutsen by útjouwerij J.M. Meulenhoff. Fan 1972 oant 1991 wied er direkteur fan útjouwerij De Arbeiderspers. Yn dy jierren makken Theo Sontrop en haadredakteur Martin Ros De Arbeiderspers fan in sosjaaldemokratyske, op it gruttte publyk oriïntearre útjouwerij, ta ien fan de literêr toanoanjaannde útjouwerijen fan Nederlân, mei in breed fûns fan Nederlânske, Flaamske en ynternasjonale (fertaalde) auteurs. Under syn direkteurskip waard de rige Privé-domein in begryp. Hy helle ônder oaren Geerten Meijsing en F.B. Hotz nei De Arbeiderspers. Sontrop waard as direkteur opfolge troch Ronald Dietz.

Theo Sontrop hie yn de jierren tachtich in kollumn yn it satiryske VPRO-radioprogramma Borát. Sontrop ferhuze yn 1991 fan Amsterdam nei Flylân.

Oars wat[bewurkje seksje | boarne bewurkje]

Theo Sontrop figuerearret yn 'Jagtlust' (1998) fan Annejet van der Zijl, dêr't de rûnte om Fritzi Harmsen van Beek hinne yn beskreaun wurdt.

Bibliografy[bewurkje seksje | boarne bewurkje]

  • Langzaam kromgroeien (1962)
  • Marmerkijker (1971)
  • Het alfabet (1975)
  • Galante momenten (1994) Dit objekt hat tsien kwatrinen fan Sontrop en tsien etsen fan Janneke Viegers. Ferskynde yn Amsterdam by Rob Cox. Oplage fan 45 nûmere en ûndertekene eksemplaren.
  • Gedichten 1962-1996 (1996)

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Oud-uitgever Theo Sontrop overleden, NOS.nl, 3 septimber 2017.