Swarte Prins

	Swarte Prins
	mûne / mole
	lokaasje
lân	Nederlân
provinsje	Fryslân
gemeente	Tytsjerksteradiel
plak	Tytsjerk
adres	Alddiel 4-a
koördinaten	53° 11' N 5° 52' E
	bysûnderheden
type mûne	Muonts
funksje	Rekreaasjewente
oarspr. gebrûk	Bemealling polder Alddiel
flecht	16,42 meter
boujier	1900
	oare ynformaasje
eigner	Partikulier eigendom
monumintale status	ryksmonumint
monumintnûmer	35688
	Kaart
	;

De Swarte Prins, ek wol De Lytse Geast of Alddielsmûne neamd, is in poldermole bewesten de buorskip Lytse Geast by Tytsjerk yn de gemeente Tytsjerksteradiel.

It is in houten muonts mei stiennen fjildmuorren en dekt mei reid. De wjukken fan de mûne hawwe âldhollânsk hekwurk; de flecht is hast 16,50 meter.^[2]

Skiednis

De Swarte Prins waard yn 1900 boud foar it bemeallen fan de polder 'Alddeel'. Hy hat wurke oant 1959. Yn 1967 ferlear de mûne it geande wurk, sadat der yn de mûne romte ûntstie om it as fekânsjehûs yn te rjochtsjen. Ek waard de selsswichting doe ferfongen troch âldhollânsk hekwurk.

De mûne is partikulier eigendom, ferboud ta wente en net mear mealree, al kin er noch wol draaie. Yn 2019 hat der in renovaasje plakfûn. It mûndershûs is net mear oanwêzich.