Slachdykstermûne

Ut Wikipedy
(Trochwiisd fan "Slachdykstermole")
Gean nei: navigaasje, sykje
De Slachdysktermûne yn 2008

De Slachdykstermûne is in poldermûne en ryksmonumint by it doarp Feinsum yn de gemeente Ljouwerteradiel.

De Slachdykstermûne is in mealreeë grûnsiler, dy't ûngefear 750 meter bewesten Feinsum stiet. It is in houten achtkante mûne út 1864, mei stiennen fjildmuorren en dekt mei reid. De mûne waard yn 1864 boud foar it yn- en útmealen fan de 1350 pûnsmiet (± 500 ha) grutte Slachdyksterpolder. Hy ferlear yn 1931 syn funksje oan in yn de mûne setten rûchoaljemotor. Fjouwer jier letter waarden it wjukkekrús en de kape fuort helle, mar de romp fan de mûne bleau yn gebrûk as poldergemaal.

Yn 1985 waard de Slachdykstermûne eigendom fan de Stifting De Fryske Mole. Al langer besteande restauraasjeplannen koene lykwols pas útfierd wurde, neidat yn 2006 de provinsje Fryslân dêrfoar € 60.000 subsydzje beskikber stelde. By de werbou fan de mûne waarden ûnderdielen brûkt fan de yn 1994 troch brânstifting foar it grutstepart ferwoaste Camminghabuorstermole by Ljouwert. De restaurearre Slachdykstermûne waard yn 2008 oplevere.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: