Skalsumermole

Ut Wikipedy
Jump to navigation Jump to search
De Skalsumermole yn 2009

De Skalsumermole is in poldermole en ryksmonumint east fan it doarp Skalsum yn de gemeente Frjentsjerteradiel.

De mole stiet justjes noard fan de Ryksstrjitwei tusken Frjentsjer en Dronryp en even súd fan de A31. De mole waard yn 1801 boud en hat oant yn de jierren santich fan de 20e iuw de Grutte Skalsumer Polder bemeald, letter mei help fan in elektromotor. Eartiids hie de mole ek selsswichting. Yn 1977 waard de mole eigendom fan de Stifting De Fryske Mole dy't de mole restaurearje liet; doe waard ek in âldhollânsk geflecht mei seilen oanbrocht. Ek waard de mole mealree makke, yn in sirkwy, omdat troch peilferlegingen de mole oars net langer syn wurk dwaan koe.

De mole fiert it wetter op mei in fizel en de roeden hawwe in lingte fan goed 20 meter. In frijwillich moolder lit de mole geregeldwei mealle en jout op sneon les oan oankommende frijwillige moolders.

Keppeling om utens[bewurkje seksje | boarne bewurkje]