Sjoerd Leiker

	Sjoerd Leiker
	skriuwer
	persoanlike bysûnderheden
oar pseudonym	Menno Haarsma
nasjonaliteit	Nederlânsk
berne	28 maaie 1914
berteplak	Drachten
stoarn	15 desimber 1988
stjerplak	Hoarn
etnisiteit	Frysk
	wurk
sjenre	sjoernalist, skriuwer, dichter
perioade	20e iuw
prizen	Marianne Philipspriis, Piter Jellespriis
	offisjele webside
	Profyl dbnl

Sjoerd Leiker (Drachten, 28 maaie 1914 - Hoarn, 15 desimber 1988) wie in Frysk skriuwer, dichter en fersetsman, dy't yn it Frysk en Nederlânsk publisearre.

Biografy

Leiker hat in ûnderwizersoplieding folge. Hy wurke by in útjouwerij, yn de sjoernalistyk as sjef redakteur by Het Vrije Volk yn Ljouwert en by de radio (R.O.N.; Regionale Omrop Noard út Grins). Syn literêre debút makke hy mei in oantal gedichten yn De Vrije Bladen. Syn meast bekende wurk is de roman Drie getuigen, dy't ferskynde ûnder it pseudonym Menno Haarsma by de mei troch him opsette útjouwerij De Bezige Bij. In soad fan syn wurk giet oer de Twadde Wrâldoarloch. De ferhalen spylje gauris yn de Fryske Wâlden. Hy skreau ek harkspullen lykas Daar was de vrede, hier is de pijn.

Leiker boaske yn 1937 mei Margit Kis; syn krigen in dochter. Yn 1953 troude Leiker fannijs mei Kommerijn Gerittine Kooijmans, widdo fan NSB'er jhr. Johannes Anthony Boreel de Mauregnault. Yn 1992 waard troch widdo Leiker de Sjoerd Leikerpriis ynsteld dy't oant 3 septimber 2004 bestean soe.

Bibliografy

1940 - De laatste man (roman)
1941 - Johannes Wezeman (roman)
1941 - Zwarte Jan (roman)
1942 - Herinneringen aan een mens (ferhalen)
1944 - Drie getuigen (roman, ûnder it pseudonym Menno Haarsma)
1946 - Spionnen in het rijk van Attila (roman)
1949 - Buitengaats (novelle)
1953 - De voorspelling (roman)
1958 - Smalle bruggen naar de vrijheid (novelle)
1967 - De achtervolgers (roman)
1968 - Wachten bij de grens (roman)
1970 - Op blote voeten (roman)
1974 - In wolk fan tsjûgen (blomlêzing)
1980 - Het geweer naast de schemerlamp
1991 - De waterklok

Harkspullen

Harkspul foar de NCRV:

Het goud van Peru - útstjoerd: 25-12-1970
De weg is de wereld - útsjoerd: 07-06-1973
Daar was vrede, hier is de pijn - útstjoerd: 21-10-1973

Prizen

1971 - Marianne Philipspriis foar syn hiele oeuvre
1984 - Piter Jellespriis foar syn hiele oeuvre

Keppeling om utens