Sienna West
Berjocht:Pornografysk aktrise Sienna West, echte namme: Veronica Teixeira Weinstock (6 novimber 1977), is in Amerikaansk neakenmodel, stripper en pornografysk aktrise fan Urûguayaansk komôf, dy't berne is yn Orange, yn 'e steat Kalifornje, ûnder de reek fan Los Angeles. Har artystenamme wurdt ek wol misstavere as Siena West.
Libben en karriêre
Sienna West, wa har âldelju oft allebeide út Urûguay komme, brocht har iere bernejierren troch yn Kalifornje. Doe't se tsien jier wie, ferhuzen se nei Floarida. Doe't hja âlder wie, die hja dêr oan ferskate bikinywedstriden mei. Nei har skoaljierren wurke se as ferkeapster yn in kleanwinkel en as servearster yn in Hooters-restaurant (dat him foarstean lit op it rûnboarstich foarkommen fan it personiel). Uteinlik ferhuze se werom nei Los Angeles, dêr't se njoggen jier lang as stripper wurke yn 'e meast eksklusive klubs en ûnderwilens in protte kontakten lei yn 'e pornoyndustry.
West makke har debút yn in pornografyske film yn 2007, doe't se tritich jier wie. Sûnt hat se yn mear as hûndert films spile, gauris fan it subsjenre fan 'e milfpornografy, foar labels as Vivid Entertainment, Brazzers, Penthouse, Digital Sin, Adam & Eve, Bang Productions en Evil Angel. Yn 2007 wûn se de Adam Film World Guide Award yn 'e kategory milf fan it jier, en yn 2008 sleepte hja in nominaasje yn 'e wacht foar sawol de AVN Award yn 'e kategory milf/cougar fan it jier, as de CAVR Award foar milf fan it jier.
Prizen en nominaasjes
| Jier | Priis | Resultaat | Kategory | Foar har optreden yn |
|---|---|---|---|---|
| 2007 | Adam Film World Guide Award | wûn | milf fan it jier | n.f.t. |
| 2008 | AVN Award | nominearre | milf/cougar fan it jier | n.f.t. |
| CAVR Award | nominearre | milf fan it jier | n.f.t. |
Keppelings om utens
| Boarnen, noaten en/as referinsjes: | ||
|
