Roel Falkena

Ut Wikipedy
Springe nei navigaasje Springe nei sykjen

Roel Falkena (Snits, 10 maaie 1936) is in eardere feedokter en provinsjaal politikus út Beetstersweach.

Biografy[bewurkje seksje | boarne bewurkje]

Jonkheid[bewurkje seksje | boarne bewurkje]

Falkena wie de âldste soan fan Pier Falkena en Tryntsje Riedstra. Pier Falkena buorke op Wigledaam, in pleats oan de Toppenhústerdyk yn Snits. Roel Falkena wie de earste yn de famylje dy’t in universitêre oplieding folge.

Oplieding en berop[bewurkje seksje | boarne bewurkje]

Fan 1949 oant 1954 die Falkena de HBS oan it Kristlik Lyseum yn Snits. Dêrnei studearre er diergenêskunde yn Utert, dêr’t er ek bestjoerslid fan de Fryske studinteferiening ‘Redbad’ wie. Yn 1961 en 1962 is er waarnimmend bistedokter. Nei de militêre tsjinst krige er yn 1962 in feedokterspraktyk yn Beetstersweach, dy't er hâlde soe oant 1999.

Polityk[bewurkje seksje | boarne bewurkje]

Yntusken wie er fan 1979 oant 1984 bestjoerslid fan de FNP en letter, fan 1987 oant 1999, wie er lid fan provinsjale steaten foar de FNP. Fan 1999 oant 2004 siet er foar de FNP yn de rie fan de gemeente Opsterlân. De FNP-ôfdieling Opsterlân hie er sels oprjochte.
Yn 1981 stie Falkena oan de widze fan de Jeropeeske Frije Alliânsje, it bûn foar regionale partijen yn Jeropa. Ek hat er jierrenlang, oant 2011, foarsitter fan de Stifting Slach by Warns west.

Privee[bewurkje seksje | boarne bewurkje]

Falkena hat twaris troud west. Ut syn earste houlik, dat 25 jier duorre hat, hat er trije bern, dêr't Onno Pier Falkena de âldste fan is. Nei Onno folgen noch Jan Roelof Falkena en Elske Falkena. Troch syn twadde frou Lybrich Andringa, dy’t skriuwster fan de Stifting Slach by Warns wie (en ek beskôge wurde kin as de ‘geastlike mem’ fan de Fryske aginda, it bûsboekje) rekke hy belutsen by de stifting. Falkena is sûnt 1999 widner.

Boarnen, noaten en referinsjes[boarne bewurkje]

Boarnen, noaten en/as referinsjes: