Rheingauer Dom

Rheingauer dom
Lokaasje
lân	Dútslân
regio	Hessen
lânkring	Rheingau-Taunus-Kreis
plak	Geisenheim
koördinaten	49° 58' N 7° 58' E
Tsjerklike gegevens
tsjerkegenoatskip	Roomsk-Katolike Tsjerke
bisdom	Limburch
Arsjitektuer
arsjitekt	Philipp Hoffmann (19e iuwske tuorren)
boujier	1510-1518 gevel mei tuorren 1834-1838
boustyl	Gotyk, neogotyk
monumintale status	Kulturdenkmal
Webside
Side parochy Heilig Kreuz, Rheingau
Kaart

De Hillich Krústsjerke (Dútsk: Heilig Kreuzkirche) is in roomsk-katolike parochytsjerke yn Geisenheim yn 'e Dútske dielsteat Hessen. De tsjerke is faaks noch mear bekend as de Rheingauer Dom fanwegen it oansjen fan it gebou; de funksje fan biskopstsjerke hat de dom lykwols nea hân.

Skiednis

Ynterieur.

De letgoatyske halletsjerke waard yn 'e jierren 1510-1518 boud en ferfong in âldere romaanske tsjerke, dy't foar it earst yn 1146 neamd waard. Nei't yn 1829 de brekfallige oarspronklike romaanske tuorren ôfbrutsen waarden levere de út Geisenheim ôfkomstige boumaster Philipp Hoffmann it ûntwerp foar de neogoatyske ferbouwing yn 'e jierren 1834-1838. Njonken de nijbou fan 'e mear as 46 meter hege tuorren waarden ek de ferwulften fan it skip fernijd.

Ynrjochting

Ut it letgoatyske tiidrek datearje de netferwulften fan it koer. Ek it saneamde Trijekeningenalter yn it súdlike sydskip stamt út dat tiidrek. It rike heechalter waard yn 1886 makke. Yn it noardlike sydskip stiet it Marije-alter.

Oargel

De tsjerke hat in oargel út 1842 fan 'e bruorren Stumm. It oargel hat 33 registers op twa manualen en pedaal. By in restauraasje is it oargel yn 'e oarspronklike steat werombrocht. In soad registers fan Stumm binne orizjineel bewarre bleaun.

Klokken

De tsjerke hat fjouwer klokken, wêrfan trije histoaryske klokken en ien moderne.

• disposysje klokken: cis¹ - d¹ - e¹ - f¹

Nû.	Namme	Gewicht (kg)	Ø (mm)	Schlachtoan (16tel)	Jitjier	Jitter	Plak
1	Christus	± 2500	1570	cis1 -9	1401	ûnbekend	noardlike toer
2	St. Martin	± 1300	1300	d1 -11	1631	Thomas Simon, Mainz	súdlike toer
3	St. Josef	1231	1230	e1 -8	1960	Friedrich Wilhelm Schilling	noardlike toer
4	Sta. Maria	± 800	1080	f1 +2	1484	Heinrich Moller, Frankfurt	súdlike toer

Ofbylden

• 
  Marijebyld.
• 
  Byld Sint-Hildegard.
• 
  Trijekeningen-alter.
• 
  Marije-alter.

• 
  Stumm-oargel.
• 
  Krusigingsgroep.
• 
  Oargelgalerij.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Einzelnachweise, op dizze side. Side Parochymienskip Treis-Karden Commons Wikimedia Commons  Ofbylden dy't by dit ûnderwerp hearre, binne te finen yn de kategory Rheingauer Dom Hl. Kreuz (Geisenheim) fan Wikimedia Commons.