Piet Hemminga

Ut Wikipedy
Gean nei: navigaasje, sykje
Piet Hemminga
persoanlike bysûnderheden
echte namme Pieter Hemminga
nasjonaliteit Flag of the Netherlands.svg Nederlânsk
berne 19 novimber 1946
berteplak Aldehaske (Fryslân)
etnisiteit Frisian flag.svg Frysk
wurkpaad
berop/amt bestjoerskundige
aktyf as publisist
jierren aktyf ±1970 – no

Piet Hemminga (folút: Pieter Hemminga; Aldehaske, 19 novimber 1946) is in Frysk bestjoerskundige en publisist, û.m. op it mêd fan 'e Fryske taal.

Libben en karriêre[bewurkje seksje | boarne bewurkje]

Hemminga waard yn 1946 berne yn Aldehaske. Hy studearre sosjale wittenskippen oan 'e Ryksuniversiteit Grins en ûntlei him neitiid ta bestjoerskundige. Fan 1976 oant 1991 wied er direkteur fan 'e Fryske Kultuerried, en fan 1989 oant 2000 wied er earst lid en letter foarsitter fan 'e Programmaried fan Omrop Fryslân.

Fierders wie Hemminga fan 1993 oant 2011 ferbûn oan 'e Fryske Akademy, wêrfoar't er û.m. lêzings hold oer saken as gemeentlike weryndieling, provinsjale polityk en taalbelied. Yn 2000 ferskynde fan him it boek Het Beleid inzake Unieke Regionale Talen, wêrfoar't er de ferhâlding tusken minderheidstaal en oerheid op it mêd fan it Frysk, it Noardfrysk en it Sorbysk mei-inoar ferliek. Dat wie in proefskrift wêrmei't er datselde jiers oan 'e Universiteit fan Amsterdam promovearre.

Wurk[bewurkje seksje | boarne bewurkje]

  • 2000 – Het Beleid inzake Unieke Regionale Talen
  • 2001 – De Aktuele Steat fan Fryslân
  • 2008 – Fryslân: Fêstens en Feroaring (yn: De Fryslannen, û.red.f. Sytze T. Hiemstra)
  • 2010 – Management fan it Fryske Taalbelied
  • 2011 – Alarmfaze Oranje: De Fryske Oerheid yn de 21ste Ieu

Boarnen, noaten en referinsjes[boarne bewurkje]

Boarnen, noaten en/as referinsjes: