Ostgroßefehn

Ostgroßefehn Oostgrootfeen
Tsjerke fan Ostgroßefehn
Bestjoer
Lân	Dútslân
Dielsteat	Nedersaksen
Lânkring	Auwerk
Gemeente	Großefehn
Sifers
Ynwennertal	3.788 (21 july 2022)
Oerflak	9,3 km²
Befolkingsticht.	407 /km²
Hichte	4 m
Oar
Postkoade	26629
Netnûmer	04943, 04944
Tiidsône	UTC +1
Simmertiid	UTC +2
Koördinaten	53° 24' N 7° 33' E
Kaart

Ostgroßefehn (Eastfrysk Plat: Oostgrootfeen) is in doarp yn 'e Eastfryske gemeente Großefehn yn it súdeasten fan it distrikt Auwerk. Yn Ostgroßefehn stiet it gemeentehûs fan Großefehn. Westlik fan Ostgroßefehn leit de B72 dy't Hesel mei Auwerk ferbynt. It doarp is de jongste delsetting yn 'e gemeente.

Ostgroßefehn hat 3.788 ynwenners (2022) en is dêrmei it grutste plak fan 'e gemeente.

Skiednis

Om 1790 hinne setten de earste minsken har nei wenjen. Wiken, sa't dy by oare feanterijen ornaris oanlein waarden, waarden yn Ostgroßefehn pas let oanlein. Om 1885 waard úteinset mei it oanlizzen fan de Rolofswieke, om 1890 mei de Westerwieke, om 1895 mei de Louisenwieke en yn 1933/34 mei de Stelzenwieke.

Tusken 1828 en 1882 hie it doarp in eigen glêsfabryk. Der waarden blompotten, bekers en flessen foar apoteken, sliterijen, bierbrouwerijen en kroegen makke. Normale ruten waarden der ek makke. Doe't oan 'e ein fan de 19e iuw de wiken oanlein waarden, begûn de feankoloanje te groeien.

Yn it jier 1835 waard it 200-jierige jubileum fan Großefehn fierd. Oan it haadkanaal waard in ierden heuvel makke, dy't hjoed-de-dei noch hieltyd it heechste punt fan de gemeente is. Yn 1895 krige it doarp in eigen evangelysk-luterske tsjerke, de Opstanningstsjerke, dy't yn neogoatyske styl boud waard.

Op 1 july 1972 waard Ostgroßefehn opnommen yn 'e nije gemeente Großefehn.

Keppeling om utens

• Webside fan de gemeente
• Beskriuwing fan Ostgroßefehn yn 'e histoaryske doarpedatabank fan 'e Ostfriesische Landschaft

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Ostgroßefehn fan Wikimedia Commons.