Ontariomar
| Ontariomar | ||
| ||
| De Ontariomar yn dûnkerblau, mei de oare Grutte Marren yn ljochtblau. | ||
| geografy | ||
| type wetter | mar | |
| lokaasje | easten fan Noard-Amearika | |
| lân |  Feriene Steaten Kanada
| |
| koördinaten | 43°7′N 77°9′W | |
| ûnderdiel fan | Grutte Marren | |
| sifers | ||
| maks. lingte | 311 km | |
| maks. breedte | 85 km | |
| oerflak | 19.000 km² | |
| djiptegemiddelde | 86 m | |
| djipste punt | 244 m | |
| wetterfolume | 1.640 km³ | |
De Ontariomar (Ingelsk: Lake Ontario; Frânsk: Lac Ontario), is de eastlikste fan 'e fiif Grutte Marren fan eastlik Noard-Amearika, mei in oerflak fan 19.000 km². It djiptegemiddelde is 86 m, mei in djipste punt op 244 m ûnder it wetteroerflak. Op it breedste punt mjit dit wetter 85 km, en op it langste punt 311 km. Metten neffens wetteroerflak is de Ontariomar de lytste fan 'e fiif Grutte Marren, mar as men nei wetterfolume sjocht, stribbet de mar dochs de folle ûndjippere Earymar foarby.
De Ontariomar wurdt oan 'e súd- en eastkant begrinzge troch de Amerikaanske steat New York, en oan 'e noard- en súdwestkant troch de Kanadeeske provinsje Ontario. It is de iennichste fan 'e Grutte Marren dy't gjin kustline hat mei de Amerikaanske steat Michigan. It is ek de lêste mar yn 'e keatling, en lit it wetter streamôf gean troch de rivier de Sint-Lawrence, dy't útmûnet yn 'e Atlantyske Oseaan.
De Kanadeeske provinsje Ontario is nei de mar ferneamd, en net oarsom, sa't wol tocht wurdt. Ontario is in wurd út 'e taal fan 'e Huroanen, in Yndiaansk folk dat yn dizze krite tige machtich wie doe't de earste Frânske ûntdekkingsreizgers dit diel fan Noard-Amearika besochten. De namme betsjut "Mar fan Glinsterjende Wetters".
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
