Omgong fan Frankryk 1904

Omgong fan Frankryk 1904
2e edysje
Rûtekaart fan de Omgong fan Frankryk 1904
Tiidrek	2 - 24 july 1904
Startplak	Montgeron
Finishplak	Parys
Totale ôfstân	2.428 km
Dielnimmers	88
Klasseminten nei 6e etappe
Winner	FRA Henri Cornet
Ploegen	FRA La Française
foarrige edysje	Omgong fan Frankryk 1903
folgjende edysje	Omgong fan Frankryk 1905
Temaside  Sport

De 2e edysje fan de Omgong fan Frankryk waard hâlden fan 2 oant en mei 24 july 1904.

Rebûlje

In Omgong dy't neffens de Frânske parse ek de lêste wêze soe. It like derop dat de wedstriid, nei it sukses fan de edysje 1903, deroan gean soe oan eigen populariteit. Spitigernôch wiene der yn dizze twadde edysje in tal swierrichheden. Yn it foarste plak gie it dêrby om aksjefierende omwenjenden, omdat de omgong harren nachtrêst fersteure soe (doe waard der ek nachts koerst). Fierders foelen op de Col de la République supporters fan Faure de achterfolgjende Garin lestich, wiene der strjitten dêr't bewust glêsdiggels struid wiene en waard de koers fersteurd troch fjochtpartijen. In fûl swierwaar makke de slotetappe nei it Parc des Princes ûnmooglik.

Diskwalifikaasjes

Ienris yn Parys die bliken dat Maurice Garin syn twadde oerwinning boekt hie, diskear mei in foarsprong fan mar trije en in heale minút op Lucien Pothier. Mar de freugde duorre net lang. It Frânske hurdfytsbûn wegere de útslach fanwegen alle ûnregelmjittichheden, lykas it foar in part "riden" fan de rûte mei trein. In flink tal hurdfytsers, wêrûnder de earste fjouwer fan it einklassemint, waard út de útslaggen skrast en Pothier waard foar it libben op non-aktyf set. Maurice Garin krige in startferbod fan twa jier. De oerwinning gie úteinlik nei Henri Cornet, dy't hast trije oeren efterstân hie op Garin. De lêste hurdfytser dy't yn Parys oer einstreek kaam die der goed 101 oeren langer oer.

Etappe-oersjoch

Datum	Etappe	Start – Finish	Ofstân (yn km)	Type	Winner	Klassemintslieder
2 july	1ste	Montgeron - Lyon	467 km	Flakke etappe	FRA Maurice Garin	FRA Maurice Garin
9 july	2e	Lyon - Marseille	374 km	Heuveletappe	FRA Hippolyte Aucouturier
13 july	3e	Marseille - Toulouse	424 km	Flakke etappe	FRA Hippolyte Aucouturier
17 july	4e	Toulouse - Bordeaux	268 km	Flakke etappe	FRA Lucien Pothier
20 july	5e	Bordeaux - Nantes	425 km	Flakke etappe	FRA Hippolyte Aucouturier
6e	23 july	Nantes - Parys (Ville d'Avray)	471 km	Flakke etappe	FRA Hippolyte Aucouturier
Datum	Etappe	Start – Finish	Ofstân (yn km)	Type	Winner	Klassemintslieder

Boarnen, noaten en referinsjes

Boarnen, noaten en/as referinsjes: