Nina Baanders-Kessler

Fersetsmonumint yn Makkum

De diereriem

Antje (Nina) Baanders-Kessler (Ljouwert, 28 febrewaris 1915 - ?, 20 juny 2002) wie in Nederlânske byldhouwer en medaljeur.

Libben en wurk

Nina Baanders-Kessler waard berne as dochter fan Jacob Kessler, slachter yn Ljouwert, en Elizabeth Anna Bijl. Se waard ferneamd nei har beppe Antje Kessler-van der Berg, se neamde har lykwols Nina.

Yn 1934 waard Nina Kessler talitten ta de Ryksakademy fan bylzjende keunsten, dêr't se de deioplieding byldhouwen folge by Jan Bronner. Se makke nei har stúdzje in reis nei Parys en Wenen en fêstige har wer yn Ljouwert, dêr't se in eigen atelier hie oan de Iebuert. Se wie de earste Fryske byldhouster, pas mear as tweintich jier letter fêstigen har ûnder oaren Maria van Everdingen en Suze Boschma-Berkhout yn Fryslân. Se boaske yn 1942 mei Ambrosius Baanders, se wennen earst tegearre yn Ljouwert, letter yn Vinkeveen.

Wurken (karút)

Wapenstiennen Beursbrêge

• foar 1941 wapenstien riedhûs, Koudum
• foar 1941 wapenstien Wurdumerpoartebrêge, Ljouwert
• 1947 plakette Theo van Welderen Rengers, Oentsjerk
• 1952 fersetsmonumint (frouwefiguer), Makkum
• 1955 tableau foar master A.J. Lok, Ravenswâld
• 1964 búste Johan Bendien, Amsterdam
• ? wapenstienen Beursbrêge, Ljouwert

Sjoch ek

• List fan Nederlânske byldhouwers

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Nina Baanders-Kessler fan Wikimedia Commons.