Monreal

	Monreal
	Emblemen
	Bestjoer
Lân	Dútslân
dielsteat	Rynlân-Palts
lânkring	Mayen-Koblenz
ferbânsgemeente	Vordereifel
	Sifers
Ynwennertal	763 (31.12.2023)
Oerflak	14,65 km²
Befolkingsticht.	52 ynw./km²
Hichte	300 m
	Oar
Postkoade	56729
Koördinaten	50° 18' N 7° 9' E1
	Offisjele webside
	monrealeifel.de
	Kaart
	;

Monreal is in skildereftich stedsje yn 'e Dútske dielsteat Rynlân-Palts. It plak leit yn 'e lânkring Mayen-Koblenz en falt ûnder de ferbânsgemeente Vordereifel.

Skiednis

It plak komt foar it earst foar op in oarkonde as Cunisberch (Keningsberch). Yn 'e 13e iuw ferfrânsken de greven fan Virneburg it plak troch it de namme Monroial (fan Mont Royal) te jaan, werút it hjoeddeiske Monreal ûntstie. Monreal krige yn 1306 stedsrjochten en alle moandeis mocht Monreal in grutte merk organisearje. De kastielen fan Monreal waarden yn 1632 yn 'e Tritichjierrige Kriich troch Sweedske troepen en yn 1689 yn de Paltske Súksesjekriich troch Frânske troepen ferneatige.

De grutte keppels skiep op 'e Eifel makken nei de Tritichjierrige Kriich in grutte bloei fan 'e tekstylyndustry mooglik. In soad fakwurkhûzen tsjûgje tsjintwurdich noch fan 'e wolstân fan dy tiid. De ynternasjonale konkurrinsje makke yn 'e 19e iuw in ein oan 'e yndustry en sûnt ferearme Monreal, oant yn 'e jierren 1930 de toeristenyndustry ynteresse krige foar Monreal.