Osnaburgh Reservaat 63B

Ut Wikipedy
(Trochwiisd fan Mishkeegogamang)
Springe nei navigaasje Springe nei sykjen
Osnaburgh Reservaat 63B
Osnaburgh 63B Reserve
polityk
haadplak Mishkeegogamang (Ontario)
stamme Flagge fan de Mishkeegogamang Odjibwe Naasje.PNG Mishkeegogamang Naasje
lân Flag of Canada.svg Kanada
provinsje Flag of Ontario.svg Ontario
distrikt Kenora Distrikt
sifers
ynwenners 425 (2011)
oerflak 121,0 km²
bef.tichth. 3,5 / km²
oar
stifting 1905
tiidsône UTC –5
simmertiid UTC –5 (gjin simmertiid)
webside www.miskeegogamang.ca
De lokaasje fan it Osnaburgh Reservaat 63B (boppeste reade stip) yn 'e provinsje Ontario.

It Osnaburgh Reservaat 63B (Ingelsk: Osnaburgh 63B Reserve) is in reservaat fan 'e Mishkeegogamang Odjibwe Naasje (Mishkeegogamang Ojibway Nation), in erkende Yndiaanske stamme-organisaasje yn 'e Kanadeeske provinsje Ontario. It waard yn 1905 stifte ûnder de betingsten fan it Ferdrach Nû. 9, ien fan 'e regionale, saneamde Nûmere Ferdraggen tusken de ûnderskate Yndiaanske folken en de Kanadeeske autoriteiten.

Geografy[bewurkje seksje | boarne bewurkje]

It Osnaburgh Reservaat 63B is sitewearre yn it noardwesten fan Ontario, oan 'e autodyk Highway 599, en oan 'e noardlike igge fan 'e St. Joseph-mar, noch krekt binnen de grinzen fan it mânske Kenora Distrikt. It leit likernôch 500 km noardwestlik fan 'e stêd Thunder Bay. It Osnaburgh Reservaat 63B beslacht in oerflak fan 121 km², en is dêrmei it grutste fan 'e beide reservaten fan 'e Mishkeegogamang Odjibwe Naasje (it oare is it Osnaburgh Reservaat 63A).

Demografy[bewurkje seksje | boarne bewurkje]

Neffens gegevens fan 'e Kanadeeske folkstelling fan 2011 hie it Osnaburgh Reservaat 63B doe 425 permaninte bewenners. De befolkingstichtens bedroech sadwaande 3,5 minsken de km². De bewenners fan it reservaat binne sa goed as allegearre leden fan 'e Mishkeegogamang Odjibwe Naasje, dat etnyske Odjibwe (Ojibwe of Ojibway) binne, in Algonkwynsktalich folk dat de talrykste Yndiaanske groep is yn 'e krite fan 'e Grutte Marren fan Kanada en de Feriene Steaten is. It haadplak fan it Osnaburgh Reservaat 63B en de sit fan 'e Mishkeegogamang Odjibwe Naasje is Mishkeegogamang.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.