Meljean Brook

	Meljean Brook
	skriuwer
	persoanlike bysûnderheden
oar pseudonym	Milla Vane
echte namme	Meljean Brook
nasjonaliteit	Amerikaansk
berne	6 augustus 1977
berteplak	Dallas (Oregon)
etnisiteit	Angelsaksysk Amerikaansk
	wurk
taal	Ingelsk
sjenre	fantasy, romantyk
bekendste ; wurk(en)	Guardian-searje ; Iron Seas-searje
útjouwer	Berkley Books
jierren aktyf	2005 – no
	offisjele webside
	meljeanbrooks.com ; www.millavane.com

Meljean Brook (Dallas (Oregon), 6 augustus 1977) is in Amerikaansk skriuwster en boekbânûntwerpster. Hja publisearret ek boeken ûnder it pseudonym Milla Vane. Brook wennet op 't heden mei har gesin yn 'e stêd Portland, yn 'e Amerikaanske steat Oregon.

Libben

Brook waard yn 1977 berne yn Dallas, yn 'e Amerikaanske steat Oregon. Hja folge in oplieding Ingelske taal- en letterkunde oan 'e Steatsuniversiteit fan Portland, dy't hja ôfsleat mei it beheljen fan in bachelortitel. Yn 2005 publisearre Brook har earste novelle, mei as titel Falling for Anthony, nei't boeke redaktrise Cindy Hwang fan 'e útjouwerij Berkley Books kontakt mei har opnommen hie. Dyselde hie nammentlik ferskate fanfiksjewurken lêzen dy't Brook op in ynternetfoarum pleatst hie.

Brook skriuwt útslutend fantasy literatuer. Se hat benammen súkses hân mei de Guardian-searje en de Iron Seas-searje. De Guardian-searje heart ta it subsjenre fan 'e urban fantasy, fermongen mei romantyk. De Iron Seas-searje is sawol steampunk as alternate history (op 'e nij yn kombinaasje mei romantyk), wêryn't it Mongoalske Ryk sawol Jeraazje as Afrika ferovere hat mei oarlochsmasines en nanotechnology. Yn 'e roman The Iron Duke wurdt Ingelân fan 'e útlânske besetting befrijd troch it titelpersonaazje.

Fierders publisearret Brook ûnder it pseudonym Milla Vane ek wurken dy't ta de heroyske fantasy (en romantyk) hearre. Njonken har skriuwkarriêre ûntwerpt Brook ek omslaggen foar harsels en foar oare auteurs. Har ympressario is Nephele Tempest fan The Knight Agency. Yn 2010 wûn Brook de Romantic Times Reviewers' Choice Award yn 'e kategory paranormal romance/urban fantasy foar de roman The Iron Duke, en yn 2012 wûn se deselde priis yn 'e kategory boek fan it jier foar de roman Riveted.

N.B.: ûndersteande titels binne romans, of it moat oars oanjûn wêze.

2010 – The Iron Duke
2010 – The Blushing Bounder (koart ferhaal yn 'e blomlêzing Wild & Steamy)
2011 – Heart Of Steel
2011 – Here There Be Monsters (koart ferhaal yn 'e blomlêzing Burning Up)
2012 – Mina Wentworth And The Invisible City (novelle yn 'e foarm fan epilooch by de roman The Iron Duke)
2012 – Riveted
2012 – Tethered (novelle yn 'e foarm fan in epilooch by de roman Heart of Steel)
2013 – Salvage (koart ferhaal yn 'e blomlêzing Enthralled)
2013 – Wrecked (koart ferhaal yn 'e blomlêzing Fire & Frost)
2014 – The Kraken King (fúljetonroman)
- The Kraken King and the Scribbling Spinster
- The Kraken King and the Abominable Worm
- The Kraken King and the Fox's Den
- The Kraken King and the Inevitable Abduction
- The Kraken King and the Iron Heart
- The Kraken King and the Crumbling Walls
- The Kraken King and the Empress Eyes
- The Kraken King and the Greatest Adventure

2009 – In Sheep's Clothing (koart ferhaal yn 'e blomlêzing The Mammoth Book of Paranormal Romance)
2011 – Forward (koart ferhaal yn 'e blomlêzing Steamlust)
2011 – Rescue Me (koart ferhaal yn 'e blomlêzing Agony/Ecstasy)
2013 – Legends of Red Sonja
2014 – Frozen

2014 – The Beast of Blackmoor (novelle yn 'e blomlêzing Night Shift)
2014 – Silent Night (koart ferhaal yn 'e blomlêzing That's What I'm Talking About)
2016 – Vengeance

Jier	Priis	Resultaat	Kategory	Foar
2010	Romantic Times Reviewers' Choice Award	wûn	bêste paranormal romance/urban fantasy-roman	The Iron Duke
2012	Romantic Times Reviewers' Choice Award	wûn	boek fan it jier	Riveted

Boarnen, noaten en/as referinsjes:

Foar boarnen en oare literatuer, sjoch ûnder: References and sources, op dizze side.