Marius de Boer

Ut Wikipedy

Marius de Boer, as Mariusz (Stiens, 19 jannewaris 1961) is bekend wurden as sjonger en tekstskriuwer fan de band Reboelje.

Libben[bewurkje seksje | boarne bewurkje]

Nei in tal jierren klassike pianoles keapet er op syn sechtjinde in elektryske gitaar. Hy is slach- en sologitarist en is boppedat sjonger by de New Waveband Elected. Nei syn HTS-stúdzje (Ferkearstechnyk) ferhuzet De Boer nei Assen. Hy krijt dêr wurk as akoestysk adviseur. Hy begjint dan ek te skriuwen, mei as earste de bondel 'De Dreade Man'. Dy is nea útjûn, mar is wol de basis foar syn skriuwen foar Reboelje. De earste albums fan Reboelje: 'Skepper fan de Skepper' en 'Magysk Theater' (basearre op it boek Steppewolf fan Hermann Hesse) meitsje yndruk. It nûmer 'Sielesiik' fan Mariusz wurdt mei dtroch stipe fan Henk Westbroek en Jan Douwe Kroeske in Nederlânske culthit.

Reboelje krijt gjin platenkontrakt oanbean en Mariusz begjint it eigen platenlabel Marista, ornearre foar regionale artysten. Reboelje treedt in soad op, lykas twa kear Noarderslach en foar in '2 Meter Sessy' by Jan Douwe Kroeske. Yn 1995 skriuwt er it konsept foar it téaterstik 'De Brulloft'. Yn dat totaaltéaterstik komt by in echte brulloft it tema 'ynsest' oan 'e oarder. It stik slacht sa oan dat Mariusz yn 1996 de Berlefpriis wint. Yn 2003 hâldt Reboelje op te bestean.

As Marius yn 2005 oerhelle wurdt om as singer/songwriter oan in benefytkonsert mei te dwaan, makket er lykwols dochs wer muzyk. Diskear ûnder de namme Mariusz. As pianist/gitarist ûntwikkelet Mariusz - live ûndersteund troch sequenzer - in unike singer/songwriter sound basearre op pop en underground. Hy skriuwt no ek yn it Stedsfrysk. Syn earste single is 'Spyt', dy't daliks de Fryske Top 100 fan alle tiden ynkomt. It Reboeljenûmer 'Marije Maria' wurdt yn dy list fan 2004 oant en mei 2007 keazen ta bêste Fryske nûmer fan alle tiden.

Diskografy[bewurkje seksje | boarne bewurkje]

Singles[bewurkje seksje | boarne bewurkje]

  • "Spyt / Do lêste leafde" (Marista, 2005)
  • "Sulveren wein / Yn Frijheid" (Marista, 2006)
  • "Wat west hat wie / Yn 'e dize" (Marista, 2007)
  • "Laat ut noait gebeure / Dêr stiet in frou" (Marista, MCD 7410, 2008)
  • "Farwol" (Marista, 2011)
  • "Blaas der op" (Marista, 2011)
  • "Ik sjong foar dy" (Marista, 2011)
  • "It is net oan my" (Marista, 2012)
  • "Ik bin in Amsterdammer" (Marista, 2012)
  • "Hasto it dien" (Marista, 2012)
  • "Lit har hjir mar bliuwe" (Marista, 2012)
  • "Sodom of Gomorra" (Marista, 2012)
  • "Sûker swiet sa swiet" (Marista, 2012)
  • "It kin samar wêze" (Marista, 2015)
  • "De frije frou" (Marista, 2016)
  • "Langjend nei dy" (Marista, 2016)
  • "Iensume Fiskers" (Marists, 2017)
  • "It lot fan god" (Marista 2022)
  • "Myn gelok" (Marista 2022)


CD[bewurkje seksje | boarne bewurkje]

  • "Wat west hat wie" (Marista mcd 7327, 2007)
  • CD tegearre mei oaren: "Cohen in het Fries" (Foreign Media Music, 2008)
  • "De nacht wachtet" - Mariusz & de Muzikanten (Marista mcd 9575, 2012)
  • "De Ûtstjoering" (live) (Marista 2020)

Keppelings om utens[bewurkje seksje | boarne bewurkje]