Kristlike Muzykferiening Oranje (Minnertsgea)
| Kristlike Muzykferiening Oranje Christelijke Muziekvereniging Oranje | ||
| algemiene ynformaasje | ||
| nasjonaliteit |  Nederlânsk
| |
| type org. | feriening (muzykkorps) | |
| wurkmêd | fanfare | |
| fêstige yn | Minnertsgea | |
| oprjochte | 1894 | |
| tal leden | 125 (2019) | |
| offisjele webside | ||
| www.oranje-minnertsga.nl | ||
De Kristlike Muzykferiening Oranje Minnertsgea is in fanfare-orkest út Minnertsgea dat oprjochte waard yn febrewaris 1894. De muzykferiening hat neist it fanfare-orkest en de drumfanfare ek noch in majorettepeloton en in jeugdfanfare.
Skiednis[bewurkje seksje | boarne bewurkje]
Fanfare-orkest[bewurkje seksje | boarne bewurkje]
Nei in konsert fan in muzykferiening út Warkum yn Minnertsgea besleat in tsiental leden fan de jongereinferiening "Fraternitas" út Minnertsgea in fanfare op te rjochtsjen. De destiidske keninginne Wilhelmina fan de Nederlannen donearde by de oprjochtingfyftich gûne foar de oanskaf fan ynstruminten, dat ferklearret de namme "Oranje". Yn it earstoan waard it haad fan de legere skoalle yn Minnertsgea ek ûnder wizer fan de fanfare en earste dirigint.
Letter waard J.M. Spitter dirigint fan de fanfare en mei him ferbettere him it muzikaal nivo sadat se yn de rin fan de jierren promovearre nei de ôfdieling ‘uitmuntendheid’. Nei Spitter naam Bouke de Jong yn 1928 plak op de bok. De Jong bleau 35 jier yn dizze funksje en de fanfare ûntwikkele him yn dizze perioade fierder. De eare-ôfdieling fan de Nederlânske Federaasje fan Kristlike Muzykbûnen (NFCM) waard berikte.
Sûnt augustus 1975 stiet de fanfare ûnder de fakbekwame lieding fan Jouke Hoekstra. Hy set de stiigjende line fan syn foargongers fuort. "Oranje" docht geregeld mei oan konkoersen yn binnen- en bûtelân.
Wrâld Muzyk Konkoers[bewurkje seksje | boarne bewurkje]
Yn 1981 waard ûnder lieding fan Jouke Hoekstra meidien oan it njoggende Wrâld Muzyk Konkoers (WMC) yn Kerkrade yn de twadde ôfdieling fan de seksje fanfare. Mei 311 1/2 punten helle de fanfare in earste priis en waard twadde yn har ôfdieling. Fjouwer jier letter waard ek meidien oan it tsiende WMC yn Kerkrade, mar no yn de earste ôfdieling en helle ûnder Jouke Hoekstra 302 1/2 punten, goed foar in earste priis. By de dielname oan it 12e WMC yn Kerkrade yn 1993 waard, ek ûnder lieding fan Jouke Hoekstra yn de earste ôfdieling fan de seksje fanfare 329 punten helle, goed foar in earste priis mei lof fan de sjuery. Op it 13e WMC yn 1997 koe men him noch fierder ferbetterje op 333 1/2 punten, opnij in earste priis mei lof fan de sjuery. Op it 14e WMC yn 2001 wie it beoardielingsskema wyls feroare en der waard 92,3% berikt, wer goed foar in earste priis mei lof fan de sjuery yn de earste ôfdieling fan de seksje fanfare. Op it 15e WMC yn Kerkarde waard in skoare helle fan 89,33%.
Oare konkoersen en festivals[bewurkje seksje | boarne bewurkje]
Yn 1995 waard by it federatyf konkoers fan de Nederlânske Federaasje fan Kristlike Muzykbûnen (NFCM) yn Sutfen it kampioenskip helle. By it ynternasjonaal konkoers yn it Dútske Rastede waarden yn 1996, 1998 en 2006 it heechste oantal punten helle fan alle dielnimmende orkesten, en in 2016 de earste priis yn de earste difyzje, mar waard net it heechste oantal punten helle. By in ynternasjonaal konkoers yn Nyborg yn Denemark yn 2003 waard in earste priis mei ûnderskieding helle.
Drumband/Drumfanfare[bewurkje seksje | boarne bewurkje]
Yn 1954 waard der in drumband binnen de feriening oprjochte, letter kamen dêr in oantal sinjaaltrompetten by. De lieding wie yn hannen fan Jacob Jan Zoodsma út Minnertsgea. Yn novimber 2004 die de Drumfanfare, tegearre mei majorettes, mei oan in marskonkoers yn Schiedam. Der waarden mei harren prestaasje 85.15 punten helle wat op én nij promoasje betsjutte nei de earedifyzje.
Diriginten[bewurkje seksje | boarne bewurkje]
- 1894 - ???? N.N.
- ???? - 1928 J.M. Spitter
- 1928-1963 Bouke de Jong
- 1975-2014 Jouke Hoekstra
- 2014-no Bienze IJlstra
Ynstrukteurs[bewurkje seksje | boarne bewurkje]
- 1954 - 1989 Jacob Jan Zoodsma
- 1989-no Jan Zoodsma
Konsertreizen[bewurkje seksje | boarne bewurkje]
| Jier | Lân | Lokaasje |
|---|---|---|
| 1996 |  Dútslân |
Ynternasjonaal Muzykfestival in Rastede |
| 1998 | Dútslân |
Ynternasjonaal Muzykfestival yn Rastede |
| 1999 |  Switserlân |
Galakonsert by de Harmonie Biberist |
| 2003 |  Denemark |
Ynternasjonaal Konkoers yn Nyborg |
| 2006 | Dútslân |
Ynternasjonaal Muzykfestival in Rastede |
| 2016 | Dútslân
|
Ynternasjonaal Muzykfestival yn Rastede |
Sjoch ek[bewurkje seksje | boarne bewurkje]
| Boarnen, noaten en/as referinsjes: |