Keldby Kirke

	Tsjerke fan Keldby Keldby Kirke
	Lokaasje
lân	Denemark
regio	Sjælland
gemeente	Vordingborg
plak	Keldby
adres	Præstegårdsstræde 6, 4780 Stege
koördinaten	54° 59'N 12° 20'E
	Tsjerklike gegevens
tsjerkegenoatskip	Deenske Folkstsjerke
	Arsjitektuer
boujier	1200-1250
boustyl	Romaanske en goatyske arsjitektuer
	Webside
	Side Keldby Kirke
	Kaart
	;

De Tsjerke fan Keldby (Deensk: Keldby Kirke) is in tsjerke yn Keldby op it eilân Møn yn Denemark.

De âldste dielen fan de tsjerke, it skip en it koer, waarden tusken 1200 en 1250 boud. Om 1480 waarden yn de tsjerke ferwulften oanbrocht en it koer ferhege mei lagen kalkstien.

De toer is letgoatysk en hat in sealtek mei trepgevels mei smelle bline nissen. In lytse sakristy waard om 1700 tafoege.

De tsjerke fan Keldby is ien fan de tsjerken dy't nei alle gedachten tsjin it ein fan de 15e iuw troch de master fan Elmelunde (Deensk: Elmelundemesteren) mei fresko's beskildere waard. De tsjerke hat ek noch âldere fresko's, dy't út likernôch 1275 datearje. De fresko's út it koer stamme út de jierren 1600.

It letgoatyske fleugelalter hat as sintraal byld de apostel Andréas; de preekstoel stamt út 1586.