Jan Maurits Quinkhard

Ut Wikipedy
Jump to navigation Jump to search
Jan Maurits Quinkhard
Art-1300258.svg keunstner
Portret fan Quinkhard troch Reinier Vinkeles, 1764
Portret fan Quinkhard troch Reinier Vinkeles, 1764
persoanlike bysûnderheden
berne 28 jannewaris 1688
berteplak Rees
stoarn 11 novimber 1772 (84 jier)
stjerplak Amsterdam
etnisiteit Dútsk
wurkpaad
wurksum as Keunstskilder, tekener en keunstkeapman
offisjele webside
n.f.t.

Jan Maurits Quinkhard (Rees (Dútslân), 28 jannewaris 1688 - Amsterdam, 11 novimber 1772), ek wol Quinckhard of Quinkhardt, wie in Nederlânsk keunstskilder, tekener en keunsthanneler fan Dútsk komôf.[1][2]

Libben en wurk[bewurkje seksje | boarne bewurkje]

Quinkhard kaam út in laach fan Dútske portretskilders. Hy waard berne yn Rees by Kleef yn Noardryn-Westfalen as soan fan de skilder Julius Quinkhard. Hy waard ûnderrjochte foar de wittenskip, mar keas yn 1705 dochs noch foar de keunst, en wie oant sy 22e yn de lear by syn heit.[3]

Om 1710 ferfear er nei Amsterdam, dêr't er learling wie fan efterelkoar Arnold Boonen, Krzysztof Lubieniecki en Nicolaas Verkolje. Op 21 oktober 1723 waard er ynskreaun as boarger fan Amsterdam (Jan Mouritse Quinchart van Reis). Hy wie ien fan de oprjochters fan de Amsterdamske Stedstekenakademy. Oant syn dea yn 1772 arbeide er as keunstner en keunsthanneler yn Amsterdam. Hy hold ek in skoft yn Utert ta.

Tal fan skilders hawwe les fan him hân, lykas Jurriaen Andriessen, Jan de Beijer, Tibout Regters, Izaäk Schmidt, Adriaan Schregardus, Jan Gerard Waldorp en ek syn soan Julius Henricus Quinkhard (1736-1776), mar dy gie letter de hannel yn.

Hy was fral bekend as portretskilder, hoewol't er ek miniatueren, ynterieurs, histoarjestikken en regintestikken skildere. Fan 1730 oant 1760 wie er de bekendste portretskilder fan Amsterdam. Hy wie ek ien fan de earste portrettisten dy't lanlik bekend wie. Syn portretten foelen fral op troch de hângebearen dy't er de portrettearre persoanen joech. Hy makke portretten fan ûnder oaren in rige heechleararen fan Nederlânske universiteiten. Fan in oantal dêrfan waard in ets makke troch de graveurs Jacob Houbraken, Pieter Tanjé en Reinier Vinkeles.[4][5]

Werk fan Quinkhard is ûnder mear te finen yn de kolleksje fan it Ryksmuseum yn Amsterdam, it Amsterdam Museum, it Frans Hals Museum in Haarlim, it Museum Rotterdam, het Noardbrabânsk Museum yn De Bosk en it Stedelik Museum Alkmaar. It Sintraal Museum yn Utrert hat in tekening fan Quinkhard yn besit mei it ôfbyld fan syn soan Julius doe't dy 17 jier wie.

Galery[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. "Quinckhard, Jan Maurits", Rijksbureau voor Kunsthistorische Documentatie
  2. Van Guldener, "Quinckhard, Jan Maurits" yn Nieuw Nederlandsch Biografisch Woordenboek, deel 10, siden.767-768
  3. "Quinkhard, Jan Maurits" yn Maud C.M. Lankester-Marcus, Stedentrots & stedenpracht: kunstenaarsvermeldingen in stadsbeschrijvingen van Noord-Nederlandse steden 1600-1850, RKD Monographs
  4. "Quinckhard (Jan Maurits)" in Van der Aa e.a., Biographisch Woordenboek der Nederlanden, diel 15, 552
  5. Ellinoor Bergvelt, Peter Jan Knegtmans, Marian Schilder, Colourful Professors: 375 Years of Portraiture in the Collection of the Universiteit van Amsterdam, Amsterdam University Press, 2007
Wikimedia Commons Ofbylden dy't by dit ûnderwerp hearre, binne te finen yn de kategory Jan Maurits Quinkhard fan Wikimedia Commons.