Ierdbeving fan Zagreb (1880)

Ut Wikipedy
Jump to navigation Jump to search
Ierdbeving fan Zagreb
Ierdbeving fan Zagreb (1880).png
bysûnderheden
type ramp natoerramp
subtype ierdbeving
datum 9 novimber 1880
plak omkriten fan Zagreb
lân Flag of Croatia-Slavonia.svg Kroaasje-Slavoanje
statistiken
deaden 1
ferwûnen 29
skea tige swier

De ierdbeving fan Zagreb wie in frij swiere ierdbeving fan 6,3 op 'e Skaal fan Richter dy't op 9 novimber 1880 it noarden fan it Keninkryk Kroaasje-Slavoanje en it suden fan it Hartochdom Stiermarken en it Hartochdom Krain trof, gebieten dy't allegear diel útmakken fan it gruttere steatsferbân fan 'e Eastenryksk-Hongaarske Dûbelmonargy. It troffen gebiet leit hjoed de dei yn noardlik Kroaasje en súdlik Sloveenje. It episintrum lei yn it Medvednicaberchtme, benoarden de Kroätyske haadstêd Zagreb.

It ferrinnewearre ynterieur fan 'e Katedraal fan Zagreb.

Skiednis[bewurkje seksje | boarne bewurkje]

Dizze ierdbeving wie ien fan 'e beide meast ferwuostgjende ierdbevings dy't it hjoeddeiske Kroaasje yn 'e ôfrûne 2.400 jier troffen hawwe (de oare wie de ierdbeving fan Dubrovnik yn 1667). Hoewol't der, ynsafier bekend, mar ien persoan om it libben kaam, rekken in soad gebouwen swier skansearre of sels alhiel ferwuostge.

De ierdbeving sloech ta om 7.33 oere moarns. Ut argyfstikken út dy tiid docht bliken dat der binnen in etmiel 3.800 treinkaartsjes ferkocht waarden oan lju dy't it troffen Zagreb ûntflechten nei oare stêden yn it suden fan Eastenryk-Hongarije, lykas Ljubljana, Graz en sels Wenen.

It stedsbestjoer fan Zagreb stelde in kommisje yn om 'e skea te beoardieljen, en neffens it offisjele rapport fan dy kommisje wiene der 1.758 priveegebouwen skansearre, wêrfan 485 swier skansearre. By dy telling wiene de tsjerken en oerheidsgebouwen net meinommen.

It bekendste gebou dat skansearre rekke, wie de Katedraal fan Zagreb, dy't neitiid in yngeande, 26 jier duorjende restauraasje ûndergie ûnder tafersjoch fan arsjitekt Hermann Bollé. Pas yn 1906 wiene alle wurksumheden oan 'e katedraal foltôge. De skea dy't de ierdbeving oanrjochte, wie ek de oarsaak fan 'e bouspurt yn 'e Legere Stêd fan Zagreb yn 'e folgjende jierren, in perioade dêr't in protte histoaryske gebouwen fan hjoed de dei út stamje.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.