Hüsem

Hüsem Husum
Sifers
Ynwennertal	22.220 (2010)
Oerflak	25,82 km²
Befolkingstichtens	861 / km²
Hichte	14 m
Polityk
Lân	Dútslân
Dielsteat	Sleeswyk-Holstein.
Kreis	Noard-Fryslân
Boargemaster	Rainer Maaß (SPD)
Oar
Koördinaten
Webside	www.husum.org – Webside fan de stêd Husum

Lokaasje Hüsem

Hüsem yn 1598

Twatalich boerd (Dútsk - Noard-Frysk) fan de plysjedireksje yn Hüsem

Hüsem (Dútsk: Husum) is de haadstêd fan Noard-Fryslân yn Sleeswyk-Holstein. Yn Hüsem wennen 22.338 minsken yn 2007 en yn 2010 22.220.

De âldste stêdskronyk giet werom nei it jier 1252. De Kening Abel fan Denemark besocht in nije belesting yn Noard-Fryslân yn te fieren mar de Friezen wegeren dat. Abel besleat om de Friezen oan te pakken, en stoar yn de striid by Husembro (Hüsembrêge).

Lykas de measte plakken oan de Noardsee, is Hüsem en omkriten ek tige beynfloede troch stoarmfloeden. By de ellindige stoarmfloed fan 1362, de Grote Mandrenke, strûpte de stêd ûnder en ûnstie der in ynholte. Dêrfoar lei Hüsem net oan de kust. De stêd die syn foardiel dêrmei en waard in merkplak dat ta in grutte ekonomyske opgong late.

Tusken 1372 en 1398 groeide de befolking fan Hüsem bot en waarden twa doarpen stifte, Oster-Husum (East-Hüsem) and Wester-Husum (West-Hüsem).

De namme Hüsem wurdt yn 1409 foar de earste kear brûkt.

Geografy

Hüsem leit oan de Noardsee, 43 km súdeastlik fan Flensboarch.

Stêdsdielen

De wichtichste stêddielen fan Hüsem binne:

• Innenstadt
• Nordhusum
• Porrenkoog
• Osterhusum, Osterhusumfeld
• Altstadt
• Norderschlag
• Dreimühlen
• Rödemis
• Fischersiedlung
• Neustadt
• Gewerbegebiet Ost
• Kielsburg
• Rosenburg
• Schobüll
• Halebüll
• Hockensbüll
• Lund

Museums

• It Theodor-Storm-Haus is in museum oer Theodor Storm.
• It Noard-Fryske Museum Ludwig-Nissen-Haus hat histoaryske keunst- en kultuerûnderwerpen.
• It Schloss vor Husum kin yn de König-Friedrich-V.-Allee besjoen wurde.
• Skipfeartmuseum.
• It Ostenfelder Bauernhaus is it âldste Dútse iepenloftmuseum
• It Poppenspäler Museum hat Poppenteater as tema.

• 

  It Nissenhaus mei it NordseeMuseum Husum

• 

  Skipfeartsmuseum

• 

  Theodor-Storm-Haus, wenkeamer

Underwiis

Gymnasium

• Hermann-Tast-Schule, humanistysk gymnasium sûnt 1527.
• Theodor-Storm-Skoalle

Middelbere skoallen

Deenske skoalle, Hüsem

• Gesamtschule Husum-Nord
• Ferdinand-Tönnies-Skoalle
• Husum Danske Skole (Deenske skoalle)

Basisskoallen

• Iven-Agßen-Schule, sûnt 1619, ien fan de âlste legere skoallen fan Dútslân.
• Boargerskoalle
• Klaus-Groth-Skoalle
• Bornskoalle yn Schobüll

Ferneamde ynwenners

• 

  Hermann Tast

• 

  Theodor Storm

• 

  Fanny Grevinne fan Reventlow

• 

  Adolf Brütt (1909)

• Hermann Tast (1490−1551), Protestansk reformator
• Johannes Mejer (1606–1674), kartograaf
• Peter Axen (1635–1707), jurist, filolooch, humanist en diplomaat
• Nicolaus Bruhns (1665-1697), hie in protte ynfloed op Johann Sebastian Bach, wie organist yn Hüsum fan 1689 oant 1697.
• Theodor Storm (1817−1888), Dútsk romanskriuwer
• Janina Uhse (1989), aktrise
• Wiebke Puls (1973), aktrise en sjongster
• Fanny zu Reventlow (1871-1918), Dútsk skriuwer en oersetter
• Oskar Vogt (1870-1959), Dútsk neuro-anatoom/breinwittenskipper
• Jan Wayne (* 1974) DJ, sjonger en plateprodusint
• The Destiny Program (earder Destiny), in hardcore/metalcore band op't heden Nuclear Blast neamd

Sjoch ek

• Husum (Washington)

Keppeling om utens

Boarnen, noaten en referinsjes

Boarnen, noaten en/as referinsjes:

Commons

Ofbylden dy't by dit ûnderwerp hearre, binne te finen yn de kategory Husum fan Wikimedia Commons.