Grutte bûnte wilster

grutte bûnte wilster
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	wilstereftigen (Charadriiformes)
famylje	wilsterfûgels (Charadriidae)
skaai	grutte bûnte wilsters (Eudromias)
soarte
Eudromias morinellus
	Linnaeus, 1758
	IUCN-status: net bedrige
ferspriedingsgebiet
	simmerfûgel ; wintergast; trochtrekker

De grutte bûnte wilster (Eudromias morinellus) is in wilster út it [[Skaai (taksonomy)|skaai fan 'e bûnte wilsters.

Foarkommen

De grutte bûnte wilster is wat lyster as in klyster, mar liket op de grûn troch syn lange giele poaten dochs grutter. De wilster is sa'n 21 sm lang en hat in wjukspanwiidte fan 60 sm. In mantsje weaget in 100 gram, de wyfkes binne mei 120 gram justjes swierder.

Yn it briedkleed is de soarte goed wer te kennen. It opfallendste is de brede wynbraustreek dy't oant yn de nekke ta rint. Fierders hawwe se in wite streek oer it boarst rinnen tusken de oare donkere parten fan it boarst. Fierders hawwe se in griis boarst, in grize nekke en in brune yn swart oergeande bûk.

Fersprieding

It briedgebiet fan de grutte bûnte wilster leit meast op de tûndra's fan Euraazje. Der is ek in populaasje dy't yn de Alpen foarkomt.
Yn Nederlân hat tusken 1961 en 1969 ek in groep fûgels de Noardeastpolder brûkt om te brieden.

Fuortplanting

De balts fan de grutte bûnte wilster is opfallend. Hjir besiket it wyfke it mantsje te lokken. It nêst wurdt op de grûn makke en is faaks net mear as in kûltsje mei wat plantemateriaal beklaait. It wyfkje leit meast trije aaien, dy't it mantsje yn 22 oant 26 dagen útbriedt. It wyfke hâldt har dwaande mei it ferdigenen fan de omjouwing. Nei it útkommen fan de aaien ferlitte de jongen fuortendaliks it nêst en se wurde dan noch sa'n 30 dagen troch it mantsje fersoarge.

Sjoch ek

List fan fûgels