Griet Wiersma
| Griet Wiersma | ||
 sjonger en/of muzikant | ||
 | ||
| Griet Wiersma yn 2009 | ||
| persoanlike bysûnderheden | ||
| nasjonaliteit | Nederlânsk | |
| berne | 2 maaie 1950 | |
| berteplak | Driezum | |
| etnisiteit | Frysk | |
| wurkpaad | ||
| sjenre | libbensliet | |
| sjongtaal | Frysk | |
| ynstrumint | Gitaar | |
| grutste hit(s) | Frysk hynder | |
| jierren aktyf | 1989-no | |
Griet Wiersma (Driezum, 2 maaie 1950), is in Fryske sjongster fan it libbensliet út Wâlterswâld.
Biografy
[bewurkje seksje | boarne bewurkje]
Griet Wiersma is berne as jongste famke fan Wietse en Anna Bieringa. Hja boaske yn 1979 mei Leo Wiersma, en tegearre namen hja it bezinestasjon fan har âlden oer. Hja krigen twa bern, Durk en Anneke.
Nei't hja yn 1989 nei Wâlterswâld ferfearen, begûn Griet op 'e taksy en ek begûn hja mei sjongen. Nei in audysje by De Happy Tuners wurdt Griet keazen út acht froulju. Neidat de band stoppe gie Griet fierder mei it duo "Challenge". By ien fan de optredens fan Challenge wie Teake van der Meer oanwêzich. Dit resultearre yn 2000 yn optredens mei Teake en Minze Dijksma yn hiel Fryslân. Hjirby kaam ek har toanieltalint foar it ljocht. Yn 2001 kaam de show "40 jier Lytse Teake" wêrfoar't nije nûmers skreaun wurde moasten. Ien fan de nûmers wie it troch harsels skreaune "Frysk Hynder". Dit nûmer waard sa ûntfongen dat der in mini cd fan Frysk Hynder opnomd waard. Dy waard goed ferkocht en tegearre mei producer Fred van Vugt waard it album "Frijheid" makke. Troch it súkses fan de cd’s stoppe Griet as taksysjauffeur, omdat it net mear te kombinearjen wie mei de optredens. Yn 2004 waard "Werom yn'e tiid" opnomd, in cd mei Fryske lietsjes. Yn 2005 folge de cd "Sirkel fan’t libben" mei krektas op Frijheid allegear lietsjes út it libben sels. Lit my foar jim sjonge (2009) docht se mei Syb van der Ploeg en Nico Outhuise. Hjirop steane 14 eigen nûmers, wêrûnder duetten mei Kobus Algra fan De Wiko's, Gurbe Douwstra en Syb van der Ploeg.
Wierma wie ek ien fan de organisatoaren fan it yn Fryslân populêre Frysk Sjongers Gala. Fan 2012 oant 2019 hat sy dit tegearre mei kollega's Piter Wilkens, Gurbe Douwstra en Anneke Douma organisearre. Fansels hat sy lykas har kollega's har bydrage op de planken brocht, mei ek ferrassende duetten. Troch de jierren hinne kamen der ek in soad oare artysten op ôf.
Nei in perioade fan sykte en ferlies fan har man yn 2025 ferskynde Griet Wiersma yn 2026 fannijs op it poadium. Op 16 maaie stie se foar it earst wer foar publyk. Ek fanwegen slimme sûnensproblemen by harsels moast Wiersma sûnt ein 2024 al har optredens ôfsizze, mar se fielde har yn april 2026 wer sterk genôch om de tried wer op te pakken. [1][2][3]
CD-s
[bewurkje seksje | boarne bewurkje]- 2002 - Frysk hynder
- 2003 - Frijheid
- 2004 – Werom yn 'e tiid
- 2004 – Foppe Bedankt!
- 2005 - Sirkel fan 't libben
- 2007 - Wy binne Friezen
- Wy binne Friezen (duet mei Rintje Kas)
- 2010 - Lit mei foar jim sjonge
- De Fryske Mar
- Lit my foar jim sjonge
- Op'e buhne (duet mei Kobus Algra)
- It Fryske liet
- Yn die eagen
- Pije de strjitmusikant (duet mei Gurbe Douwstra)
- Playa Blanca
- Goude swan
- Klompen fan Scherjon
- Ik bliuw dyn freon (duet mei Syb v/d Ploeg)
- Wat in pracht skilderij
- Germ gean no fuort
- W as dekbed
- Op'e moanne
- Het Friese Meer
- 2012 - Opa en oma lied
- Opa en oma lied
- Pake en Beppe ferske
- 2015 - Genietsje fan disse dei
- Genietsje fan dizze dei
- 2016 - Gouden Swan
- Gouden Swan
CD's mei oaren
[bewurkje seksje | boarne bewurkje]- Noflik van hûs (mei Teake van der Meer)
- Efkes wat oars" (mei Teake van der Meer )
- Frysk hit festival , diel 3 (200?)
- It bêste út de Fryske Top 100 fan Omrop Fryslân(2006)
- Limburg ontmoet Friesland (2007)
- Fryske Music Night 2007, It gie wer oan (2007)
- Lit my foar jim sjonge (2009)
DVD
[bewurkje seksje | boarne bewurkje]- Taeke set troch (2005), tegearre mei Taeke van der Meer
- It bêste fan Griet Wiersma (2006)
- Efkes wat oars (2007) mei Teake en Minze
- Fryske Music Night 2007, It gie wer oan (2007)
- Sa kin't ek (2008) mei Teake en Minze
Keppeling om utens
[bewurkje seksje | boarne bewurkje]| Boarnen, noaten en/as referinsjes: |
|