Teake van der Meer

Ut Wikipedy
Jump to navigation Jump to search

Teake van der Meer (Sweagerfean, 18 septimber 1936) is in Frysk kabaretier, konferensier en folkskomyk út De Westerein en troud mei Johanna van der Meer. Fan syn fak is er timmerman.

Libben[bewurkje seksje | boarne bewurkje]

Van de Meer is de soan fan timmerman Hindrik van der Meer en wurdt ek wol "Lytse Teake fan De Westereen" neamd. Mei syn grifformearde famylje, hy wie ien fan de njoggen bern, (mar wol ien fan de stilste) song er yn de fyftiger en sechtiger jierren Fryske lietsjes. Fantasearje en prakkesearje, dat docht er it leafst, as jonkje fan fiif stapte er al op de stove om in mopke te fertellen. Nei de ambachtsskoalle yn yn Dokkum begûn er by toanielferiening Excelsior yn Sweagerfean. Letter wurke Teake by meardere selskippen, ek mei Fred Rootveld en de Musicals. Dêrnei is er mei optredens begûn op brulloften en feesten. Hy is ferneamd yn Fryslân om syn streektypes en de hilaryske sitewaasjes dy't er sketst. Al syn programma's binne yn it Frysk. Hy hat meardere platen en cd's makke mei syn programma's der op. Bekend waard er mei types as Appie mei Bello, Auke Oargel, Matsje fan Jan , Hindrikje en mear. Fan it iene op it oare momint krûpt er yn de hûd fan syn kreaasjes. As konférencier en fratsemaker fertelt er oan de de keukentafel fan mem en frou syn belevenissen en set syn eigen útsprutsene fraachtekens by it libben fan al den dei. Hy spilet sa fierder yn de trant fan foargongers as Lytse Sjoerd, Klaas Westra en Tetman de Vries mei teksten dy't er sels skriuwt. It kwetsen fan minsken is him in grouwel. Ien fan syn foarbylden wie Tommy Cooper.

Neist solo-optredens hat er syn show-kabaret, in jûnfoljend programma dat er docht mei toanielgûchelder/yllúsjonist Minze Dijksma en sjongster Griet Wiersma. Sa'n tritich jier lyn makke er namme mei de langspylplaat Friesland Plat dy't yn de Top-10 kaam. Dêrnei folgen noch sa'n tsien CD's en in tal DVD's. Yn 2002 fierde er syn 40-jierrich jubileum yn it artystefak. Dat brocht him yn doarpshuzen, feesttinten, toanielsealen, brulloften en by Friezen om utens yn Kanada, de Feriene Steaten en sels op cruiseskippen. Yn 2010 begjint er oan syn ôfskiedstoernee troch Fryslân.

Diskografy[bewurkje seksje | boarne bewurkje]

LP mei oaren[bewurkje seksje | boarne bewurkje]

  • Friesland Plat 2 (1983?)

CD[bewurkje seksje | boarne bewurkje]

  • Troch de jierren hinne (199?)
  • Janne Matsje 2 (199?)
  • Hindrikje fan Lammerts D.(199?)
  • Auke Oargel (199?)
  • Dûbeldik ( 2-CD, 199?)
  • Frysk hinder, 40 jier lytse Teake (200?)
  • Matsje fan Jan (199?)
  • Teake set troch (200?)

CD's mei Griet Wiersma[bewurkje seksje | boarne bewurkje]

  • Noflik fan hûs (200?)
  • Efkes wat oars (2008)

CD's mei Piet Braam[bewurkje seksje | boarne bewurkje]

  • Jan Turbo (199?)
  • De wrâld fan Teake van der Meer ( )

CD's mei oaren[bewurkje seksje | boarne bewurkje]

  • Friesland Plat (2000?)

DVD mei Griet Wiersma en Minze Dijksma[bewurkje seksje | boarne bewurkje]

  • Teake set troch (2005)
  • Efkes wat oars (2008)
  • Sa ken 't ek (2009)

Keppeling om utens[bewurkje seksje | boarne bewurkje]