Gerrit Stulp

Ut Wikipedy
Springe nei navigaasje Springe nei sykjen

Gerrit Stulp (Ljouwert, 1935) is in Nederlânsk organist, dirigint en komponist.

Hoewol't er fan grifformeard komôf is, foel hy al op trettjinjierrige leeftiid yn as organist yn de doopsgesinde tsjerke yn Ljouwert. De earste lessen op it oargel krige er fan B.J. Makkes van der Deijl. Letter ferfolge er syn oplieding by George Stam en Piet Post. Op it Grinzer konservatoarium krijt er les fan ûnder mear Wim van Beek en op it Haachsk konservatoarium fan Nico van den Hoven.[1] Fierders folget er in masterclass by professor Siegfried Reda en fan 1992 ôf noch de stúdzjes komposysje en muzykwittenskippen.[2]

Organist en dirigint[bewurkje seksje | boarne bewurkje]

Syn earste oanstelling as organist krijt hy de Skrânstsjerke yn Ljouwert yn 1951. DSêrnei folgen de Parktsjerke, Salvatortsjerke en de Koepeltsjerke, allegear yn Ljouwert. As syn spesjaliteit jildt de begelieding fan de gemeentesang en ymprovisaasje. Hy fynt dat in tsjerkeorganist him foar adekwate begelieding ferdjipje moat yn de tekst en ek teologyske foarming hawwe moat om him ferpleatse te kinnen yn gemeenteleden dy't by ferskillende tsjerklike streamingen hearre. Hy wie yn Ljouwert de ienige tsjerkemusikus dy't ferbûn wie oan de Grifformearde Tsjerke fan Ljouwert en late dêr de kantorij. Stulp wie ek dirigint fan it ensemble Consortium Vocale Frisia.

Komponist en resinsint[bewurkje seksje | boarne bewurkje]

As komponist hat hy koarwurken en oargelwurken skreaun. Teffens hat er wurk foar tsjerkelieten makke. Sa wie syn Koraalboek, voorspelen voor en harmonisaties van de psalmen, koartwei ek Koraalboek voor de Psalmen neamd út 1995, yn 2007 oan syn alfte printinge ta. Ek skreau hy in Liturgische Matthéuspassie, basearre op Matthäuspassion fan Johann Sebastian Bach foar útfiering binnen in tsjerketsjinst yn de hjoeddeiske tiid.[3] De earste útfiering wie op Goedfreed 1972 yn de Salvatortsjerke. Joop Rinzema, dy't in grut oandiel han yn de tastânkomming dêrfan hie de rol fan ferteller c.q evangelist[4]. Letter waard der in dûbelelpee makke fan dy passy. Hy hat tegearre mei Jacq. Huisman de muzykonderwiismetoade Musica Practica skreaun. Foar it Friesch Dagblad skreau hy resinsjes fan muzykútfieringen.

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Gerrit Stulp: ‘Het orgel is mijn orkest’, Friesch Dagblad, 17 novimber 2001
  2. www.fryskekomponisten.nl
  3. De cantorij tien jaar, De Nieuwe Dinkellander, 31 maart 2009
  4. Taljochting op de hoes fan de dûbelelpee 'Liturgische Mattheüs Passie', útjûn troch Mirasound SGLP 6091/6092