Frysk Museum

	Frysk Museum
	museum
	Lokaasje
lân	Nederlân
provinsje	Fryslân
gemeente	Ljouwert (gemeente)
plak	Ljouwert (stêd)
adres	Wilhelminaplein 92
koördinaten	53°11′59″N 5°47′40″E
	Algemiene gegevens
type	keunstmuseum; skiedkundich museum
wurkmêd	Fryslân
oprjochting	1881
oprjochter	Frysk Genoatskip
oerflak	4.000 m²
besikers	110.000 (2014)
netwurk(en)	Museumferiening (MV)
	Arsjitektuer
namme gebou	it nije Frysk Museum
type gebou	museumgebou
arsjitekt	Hubert-Jan Henket
boujier	2010-2012
boustyl	modern
	Offisjele webside
	www.friesmuseum.nl
	Kaart
	; Lokaasje yn Ljouwert

It Frysk Museum is in museum foar keunst en skiednis, fêstige yn Ljouwert.

Skiednis

It Frysk Museum is ûntstien út de tentoanstelling by it fyftich-jierrich bestean fan it Frysk Genoatskip yn 1877. Dy tentoanstelling wie sa'n súkses dat fan it jild dat oerbleau it Eysingahûs kocht wurde koe om de tentoanstelde kolleksjes fan de provinsje en fan it Genoatskip fan 1881 ôf in permanint plak te jaan. It museum is yn de rin fan de tiid ferskate kearen útwreide mar rjochtet him noch hieltiten op sawol keunst as skiednis. Dy kombinaasje wurket bytiden hiel goed, mar der hawwe ek útstellen west foar in apart op skiednis rjochte museum. Teffens jout it museum ek ûnderdak oan it Fersetsmuseum Fryslân en oan Slieker Film (it eardere Ljouwerter Filmhûs).

Nijbou Wilhelminaplein (Saailân)

Op 14 maaie 2002 die bliken dat it Frysk Museum in legaat krigen hie fan de arsjitekt Abe Bonnema, foar nijbou fan it museum op it Saailân mei as betingst dat it ûntwerp fan arsjitekt Hubert-Jan Henket wêze moast. Dat hat laat ta in protte diskusje oer de foardielen en neidielen fan it ferfarren fan it museum nei dat plak. Ut in referindum die bliken dat in grutte mearderheid tsjin de nijbou wie, mar de Ljouwerter gemeenteried hat de útkomst neist him dellein.

2010 waard mei de nijbou útein set^[1] en yn 2012 waard it gebou oplevere. It ynrjochtsjen duorre in jier. Op 13 septimber 2013 iepene keninginne Máxima it nije Frysk Museum.^[2]^[3]

Eysingahûs oan 'e Keningsstrjitte
Yngong fan it Frysk Museum oan 'e Turfmerk
Pânen fan it museum oan 'e Turfmerk (2013)
Ynterieur fan it Frysk Museum op it Saailân

Kolleksje

Ta de topstikken fan it museum hearre ûnder oaren de Grutte fibula fan Winaam út de 7e iuw en de sulveren Poptaskat út de 17e iuw. Ek it ûnderstelde swurd fan Grutte Pier is yn besit fan it museum. De Mata-Hari-seal jout spesjaal omtinken oan it libben fan de eksoatyske dûnseresse en ûnderstelde spionne Mata Hari, waans namme yn werklikheid Margaretha Zelle wie en dy't fan Ljouwerter komôf wie. Fierder hat it museum wurken fan de keunstskilders Wigerus Vitringa, Willem van Althuis, Wybrand de Geest, Eelke Jelles Eelkema, Adriaen van Cronenburg, Lourens Alma Tadema en Gerrit Benner yn de kolleksje.

Portret fan Rudolph fan Buynou, steedhâlder, fan Adriaen fan Cronenburg
Portret fan Anna fan Popma (1681)
Frysk Museum, stylkeamer

Museumpriis

It Frysk Museum wie yn 2015 de winner fan de BankGiro Loterij Museumprijs. Yn 2018 krige it museum de Global Fine Art Award foar de útstalling Alma-Tadema, klassieke verleiding.^[4]

Sjoch ek

Keppeling om utens

Offisjele webside fan it Frysk Museum

Wikimedia Commons

Ofbylden dy't by dit ûnderwerp hearre, binne te finen yn de kategory Fries Museum fan Wikimedia Commons.

Boarnen, noaten en referinsjes

Boarnen, noaten en/as referinsjes:

↑ Fries Museum: Over het museum/ over het gebouw
↑ Het Koninklijk Huis: Koningin-maxima-opent-fries-museum, 16 july 2013
↑ Leeuwarder Courant: Koningin Máxima opent nieuw Fries Museum, sjoen 13 septimber 2013
↑ Fries Museum wint 'museum-Oscar' voor expositie Alma-Tadema nos.nl

53° 12' NB, 5° 48' EL

[1] Fries Museum: Over het museum/ over het gebouw

[2] Het Koninklijk Huis: Koningin-maxima-opent-fries-museum, 16 july 2013

[3] Leeuwarder Courant: Koningin Máxima opent nieuw Fries Museum, sjoen 13 septimber 2013

[4] Fries Museum wint 'museum-Oscar' voor expositie Alma-Tadema nos.nl

[1]

[2]

[3]

[4]