Fredewâld

Ut Wikipedy
(Trochwiisd fan Fredewold)
Jump to navigation Jump to search
De lokaasje fan it Fredewold yn de provinsje Grinslân

Fredewâld is in gebiet yn it westen fan de provinsje Grinslân. It wie ien fan de ûnderkertieren fan it Westerkertier, mar yn de iere Midsiuwen wie it in selsstannich Ommelân. Nei de Reduksje fan Grins yn 1594 waard it part fan de provinsje Stad en Land. It grutste doarp fan it Fredewold is De Like.

De grinzen fan it Fredewold falle sawat gear mei dy fan de hjoeddeiske gemeenten Mearum en De Like. It âlde Fredewold wie in stik grutter: it gebiet waard doe beheind troch in lijn dy't rûn fan de boarch Nienoord yn it noarden, De Wylp yn it westen en oer Nij-Roden, Steenbergen, Ien en Feanhuzen yn it easten. De súdgrins lei fier yn de doe net bewenne Drintsk-Fryske feanen. Doe't dy ôfgroeven waarden, kamen dy stikken fan it Fredewold yn Drinte te lizzen.

De wichtichste eallju fan Fredewold wennen op Nienoard. Dêrûnder wienen de famyljes Fan Ewsum en Fan Panhuys.