Frederik Cornelis Rab
Frederik Cornelis Rab (Flylân, 4 july 1891 - dêre, 24 july 1947) wie boargemaster fan Flylân fan 1929-1947.
Rab waard op Flylân berne as soan fan Meilom Rab (1838) en Aaltje Molenaar (1848). Rab hie as bynamme Flippie Fluweel.
Doe't er 1 febrewaris 1929 boargemaster waard hie Flylân sa'n 500 bewenners. It eilân behearde doe noch by de provinsje Noard-Hollân. Yn de Twadde Wrâldoarloch kamen dêr sa'n tûzen Dútsers by. Sy bemannen de twa loftdoelbatterijen op it eilân. De ferhâlding tusken de eilanners en de besetter wie ridlik. At bygelyks de besetters yn Badhotel Bruin in feestje joegen mei harren eigen muzykband mochten de eilanners ek komme. Ek draaiden se dêr geregeldwei films. De Dútsers besleaten yn 1942 dat Flylân tenei by Fryslân hearre soe.
Dokter Robert Turfbroer, lieder fan de pleatslike Binnenlânske Striidkrêften, sette boargemaster Rab nei de befrijing ôf, Jacobus Anker waard waarnimmend boargemaster. De eilanners mochten Rab lykwols sa graach leije dat ien fan harren mei in hantekeningaksje út ein sette, sadwaande kaam Rab kaam werom yn syn amt. Hy bleau boargemaster oant syn ferstjerren yn 1947.
Sjoch ek
[bewurkje seksje | boarne bewurkje]Keppeling om utens
[bewurkje seksje | boarne bewurkje]| Boarnen, noaten en/as referinsjes: |