Francis Gibson (skriuwer)

Ut Wikipedy
Jump to navigation Jump to search
Francis Gibson (skriuwer)
Livro preto.svg skriuwer
persoanlike bysûnderheden
echte namme Francis Gibson
nasjonaliteit Flag of the United Kingdom.svg Britsk
berne 16 jannewaris 1753 (doopt)
berteplak Whitby (Ingelân)
stoarn 24 july 1805
stjerplak Whitby (Ingelân)
etnisiteit Flag of England.svg Ingelsk
wurk
taal Ingelsk
sjenre toaniel, poëzij, non-fiksje
bekendste
  wurk(en)
Streanshall Abbey
Poetical Remains
jierren aktyf ±17871805
offisjele webside
n.f.t.

Francis Gibson (Whitby (Ingelân), doopt 16 jannewaris 1753 – dêre, 24 july 1805) wie in Ingelsk skriuwer, dichter en altemets keunstskilder.

Libben en karriêre[bewurkje seksje | boarne bewurkje]

Gibson waard yn 1753 berne yn Whitby, yn it Ingelske greefskip Yorkshire, as de soan fan Joseph en Mary Gibson. Hy waard seeman en reizge nei Noard-Amearika. Letter sylde er as kaptein op syn heite skip ek nei it Eastseegebiet. Yn 1787 waard Gibson op foarspraak fan Henry Phipps, 1e greve fan Mulgrave oansteld as kommys fan 'e dûane te Whitby, in amt dat er oan syn dea yn 1805 ta behold. Hy troude twaris en hie ek bern.

Francis Gibson is bekend bleaun troch syn skriuwwurk, wêrfan't benammen syn sammele fersen Poetical Remains neamd wurde moatte, dy't postúm yn 1807 publisearre waarden. Fierders skreau er Streanshall Abbey, or The Danish Invasion, in toanielstik yn fiif bedriuwen dat er opdroech oan Martha Sophia Maling, grevinne fan Mulgrave, de oarehelte fan syn patroan. Dit stik waard yn 1799 foar it earst opfierd. Teffens wie fan Gibson syn hân it non-fiksjewurk Sailing Directions for the Baltic ("Sylynstruksjes foar de Eastsee"), út 1791, dat nei't it skynt de Britske float noch goed fan pas kaam yn 'e Slach by Kopenhagen, yn 1801. Ta einbeslút sette Gibson yn 1802 ek it wurk Memoirs of the Bastile oer út it Frânsk, dat in ferslach is fan 'e Bestoarming fan de Bastille, yn 1789.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.