Fly

Ut Wikipedy
Gean nei: navigaasje, sykje
Nederlân om 800 hinne

It Fly is it wetter dat Flylân skiedt fan Skylge.

Skiednis[bewurkje seksje | boarne bewurkje]

Sa om it jier 800 hinne wienen Flylan en Skylge grutter as tjinwurich. Flylân striek har út oan't foarby de hjoeddeiske Ofslútdyk, op it plak fan de Waart en it Breesân, en omfieme ek Eierlân, dat no in part fan Teksel is. It Fly (doetiids Fli of Flehi neamd) rûn troch oan't de omkriten fan Starum en foarme de skieding tusken Flylân en de fêste wâl fan West-Fryslân oan de westkânt en Skylge en de fêste wâl fan de tsjintwurdige provinsje Fryslân oan de eastkânt.

It Fly hie in wichtige funksje. It wie in brede slinke, dy't de ferbining foarme tusken de Flevomar en de Noardsee, in goed-befarbere route fan de Flevomar ta de Noardsee. Yn de Lex Frisionum (Friezenwet) foarme it Fly ien fan de skiedslinen: yn guon gefallen wurde foar it gebiet tusken Fly en Swin oare tallen neamd as foar it gebiet tusken Fly en Lauwers.

Waad[bewurkje seksje | boarne bewurkje]

Mei it breder wurden is it Fly feroare ta de Heidensee, en mei it oanlizzen fan de Ofslútdyk is dy part fan de Iselmar wurden. Hjoededei rint it Fly noch oer It Waad, fan de Lorentzslûzen nei de Noardsee. It lêste part is de Flystream, dy't tusken De Richel en Flylân oan de iene kant en Skylge oan de oare kant troch nei see rint.