Fernuniversität Hagen
| Fernuniversität in Hagen | ||
| ||
| ||
| Lokaasje | ||
| Lân | Dútslân | |
| Plak | Hagen | |
| Oare bysûnderheden | ||
| Oprjochting | 1974 | |
| Rektor | Ada Pellert | |
| Tal studinten | 74.205 (2018) | |
| Offisjele webside | ||
| www.fernuni-hagen.de | ||
De Fernuniversität in Hagen (Ofstânsuniversiteit yn Hagen) is in Dútske universiteit dy't universitêr ôfstânsûnderwiis biedt. De universiteit is fêstige yn de stêd Hagen. Dêrneist hat de universiteit yn oare Dútske stêden en yn it bûtenlân regionale stúdzjesintra. Mei sa likernôch 75.000 studinten is it de grutste universiteit fan Dútslân.
De universiteit sette yn 1974 útein as universiteit en hegeskoalle. Sûnt 2003 wurde der inkeld noch universitêre stúdzjes oanbean. De universiteit kriget oerheidsjild en de diploma's fan de Fernuniversität Hagen binne lykweardich oan diploma's fan reguliere universiteiten.
Organisaasje
[bewurkje seksje | boarne bewurkje]Yn april 2018 hie de universiteit 85 professoaren yn tsjinst[1].
Fakulteiten
[bewurkje seksje | boarne bewurkje]De universiteit is hat de neikommende fakulteiten:
- Fakulteit foar kulturele en sosjale wittenskippen.
- Fakulteit foar wiskunde en ynformatika.
- Fakulteit foar ekonomyske wittenskippen.
- Fakulteit foar Rjochtsgeleardheid.
Regionale stúdzjesintra
[bewurkje seksje | boarne bewurkje]De regionale stúdzjesintra binne dependânses fan de Fernuniversität Hagen yn Dútslân en it bûtenlân. Sa hawwe studinten de mooglikheid om (relatyf) tichtby hûs aktiviteiten by te wenjen, toetsen te meitsjen, literatuer te lêzen of fragen te stellen.
De 13 Dútske regionale stúdzjesintra binne fêstige yn: Berlyn, Bonn, Coesfeld, Frankfurt am Main, Hagen, Hannover, Hamboarch, Karlsruhe, Leipzig, München, Neuss, Nürnberg en Stuttgart.
It stúdzjemateriaal kin de hiele wrâld oer stjoerd wurde sadat in stúdzje yn it bûtenlân ek mooglik is. De universiteit hat gearwurkingspartners en stúdzjesintra yn: Eastenryk, Hongarije, Letlân, Ruslân en Switserlân.
Oantal studinten
[bewurkje seksje | boarne bewurkje]
| Boarnen, noaten en/as referinsjes: |
|
