Engel Molenaar

Ut Wikipedy
Jump to navigation Jump to search
Engel Molenaar
persoanlike bysûnderheden
nasjonaliteit Flag of the Netherlands.svg Nederlânsk
berne 10 maaie 1868
berteplak East-Flylân (Flylân)
stoarn 8 novimber 1939
stjerplak Medemblik (Noard-Hollân)
etnisiteit Flag of the Netherlands.svg Nederlânsk
wurkpaad
berop/amt ûnderwizer, publisist
reden
  bekendheid
skriuwer fan hast it iennichste
   oerlevere Flylânsk

Engel Molenaar (East-Flylân, 10 maaie 1868Medemblik, 8 novimber 1939) wie in Nederlânsk ûnderwizer en publisist dy't berne wie op it (doe noch) Noard-Hollânske Waadeilân Flylân.

Libben[bewurkje seksje | boarne bewurkje]

Molenaar wie hikke en tein op Flylân, mar ferliet it eilân doe't er fjirtjin jier wie. Hy folge in oplieding ta ûnderwizer oan 'e kweekskoalle yn Alkmaar en brocht jierren troch mei reizgjen (backpacken, soe men tsjintwurdich sizze) troch de Feriene Steaten, Frankryk, Dútslân en Belgje. Mei 48 jier fêstige er him yn Midslân, op Skylge, dêr't er foar de klasse stie. Doe't er 62 jier wie, ferfear er nei Medemblik, yn West-Fryslân. Ynsafier't bekend is, hat er nei syn fjirtjinde nea mear op Flylân wenne. Njonken syn skoalmasterskip publisearre er oer de natoer en skiednis fan Flylân, en teffens skreau er – blykber inkeld om't er der aardichheid oan hie, want hy publisearre se nea – in stikmannich koarte ferhaaltsjes yn it Flylânske dialekt. Dêryn beskreau er benammen autobiografyske foarfallen út syn jonkheid op it eilân. Molenaar ferstoar yn 1939, mar syn ferhaaltsjes waarden yn 'e njoggentiger jierren fan 'e tweintichste iuw weromfûn en troch J.H. Nanninga publisearre yn it tydskrift fan 'e histoaryske feriening fan Flylân. Se foarmje it grutste part fan 'e oerlevere teksten yn it no útstoarne Flylânske dialekt.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Jansen, Mathilde, en Oostendorp, Marc van, Taal van de Wadden, De Haach, 2004 (Sdu Uitgevers), ISBN 978-9 01 20 97 130, s. 101-102.