De echte marters of ek wol echte martereftigen (Latynske namme: Mustelinae) foarmje in ûnderfamylje fan 'e klasse fan 'e sûchdieren (Mammalia), it skift fan 'e rôfdieren (Carnivora), it ûnderskift fan 'e hûndieren (Caniformia), it tuskenskift fan 'e poalrôfdieren (Arctoidea), de boppefamylje fan 'e marterdieren (Musteloidea) en de famylje fan 'e martereftigen (Mustelidae).
Ta dizze ûnderfamylje hearre 35 libbene soarten martereftigen, mei dêropta ien soarte dy't yn 'e njoggentjinde iuw útstoarn is. Dêrûnder binne de Amerikaanske marter (Martes americana), de Amerikaanske nerts (Neovison vison), de beamotter (Martes martes), de fiskmarter (Martes pennanti), de fret (Mustela putorius furo), de harmeling (Mustela erminea), de Jeropeeske nerts (Mustela lutreola), de murd (Mustela putorius), de stienmurd (Martes foina), de warch (Gulo gulo) en de wezeling (Mustela nivalis).
- ûnderfamylje echte marters (Mustelinae)
|
