John Edward Gray

Ut Wikipedy
Jump to navigation Jump to search
John Edward Gray
John-Edward-Gray-1851.jpg
persoanlike bysûnderheden
echte namme John Edward Gray
nasjonaliteit Flag of the United Kingdom.svg Britsk
berne 12 febrewaris 1800
berteplak Walsall (Ingelân)
stoarn 7 maart 1875
stjerplak Londen (Ingelân)
etnisiteit Flag of England.svg Ingelsk
wurkpaad
berop/amt biolooch
aktyf as ornitolooch, mammalooch,
herpetolooch, malakolooch,
entomolooch, soölooch,
publisist, konservator
jierren aktyf 18201875

John Edward Gray (Walsall, 12 febrewaris 1800Londen, 7 maart 1875) wie in Ingelsk biolooch, dy't benammen wurksum wie op 'e mêden fan 'e ornitology, de mammalogy, de herpetology en de malakology. As konservator fan it Britsk Museum publisearre er ferskate katalogussen oangeande de soölogyske kolleksje fan dy ynstelling, dy't troch syn krewearjen ien fan 'e bêsten fan 'e wrâld waard. Gray wie fierders ek ien fan 'e grûnlizzers fan 'e filately.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Gray waard yn 1800 berne yn Walsall, in stedsje yn it Ingelske Midlân, deunby Birmingham, mar as lyts jonkje ferfear er mei syn âlden nei de Britske haadstêd Londen ta, dêr't er opgroeide. Hy wie de soan fan 'e foaroansteande Ingelske botanikus en farmakolooch Samuel Frederick Gray, en in âldere broer fan 'e soölooch George Robert Gray. Hy studearre medisinen en holp sn heit by it skriuwen fan The Natural Arrangement of British Plants (1821). Nei't de Linnean Society of London, in plantkundige feriening, syn oanfraach foar lidmaatskip ôfwiisd hie, kearde Gray him ôf fan 'e botany en lei er him tenei ta op 'e soölogy.

Karriêre[bewurkje seksje | boarne bewurkje]

Syn ierste ûnderfining op dat mêd wie it sammeljen fan ynsekten foar it Britsk Museum, in putsje dêr't Gray mei fyftjin jier er op frijwillige basis mei úteinsette. Yn 1824 joech er him offisjeel by de Soölogyske Ofdieling fan it museum, dêr't er as assistint fan 'e herpetolooch John George Children holp by it katalogisearjen fan 'e reptilekolleksje. Yn 1833 rjochte Gray in organisaasje op dy't him letter ûntjaan soe ta it Keninklik Entomologysk Genoatskip fan Londen. Yn 1840 folge er Children op as konservator fan 'e Soölogyske Ofdieling, wêrnei't er dy funksje sels 35 jier lang beklaaie soe.

Yn dy tiid publisearre Gray mear as tûzen artikels, dy't gauris de earste wittenskiplike beskriuwing fan nije soarten omfetten. Dêrby lei er him benammen ta op 'e stúdzje fan fûgels (ornitology), reptilen (herpetology) en weakdieren (malakology). Ek wied er aktyf as saakkundige op it mêd fan 'e stúdzje fan sûchdieren (mammalogy), wêrby't syn ynteresse grutdiels útgie nei de walfiskeftigen en de flearmûzen. Dêrby wurke Gray gear mei de bekende keunstner Benjamin Waterhouse Hawkins, dy't tekenings by syn wurk makke, û.m. yn Gleanings from the Menagerie at Knowsley. (Knowsley Park, by Liverpool, stifte troch Edward Stanley, 13e greve fan Derby, wie ien fan 'e grutste partikuliere menazjeryen fan fiktoriaansk Ingelân.)

Priveelibben en dea[bewurkje seksje | boarne bewurkje]

Yn 1826 troude Gray mei Maria Emma Smith (1787-1876), mei wa't er trettjin jier skeelde, en dy't in eigen karriêre hie as konkologe en algologe (en dus saakkundich wie op it mêd fan skelpen en algen). Hja holp him ek by syn wittenskiplike wurk, en levere dêrfoar gauris de byhearrende tekenings. Gray hie ek grutte belangstelling foar postsegels, en wie ien fan 'e grûnlizzers fan 'e filately, dêr't er ek ferskate publikaasjes oer útbrocht. Gray ferstoar yn 1875 yn Londen, yn 'e âlderdom fan 75 jier.

Wurk (in kar)[bewurkje seksje | boarne bewurkje]

(ynkl. bydragen oan)

  • 1821 – A Natural Arrangement of Mollusca, According to Their Internal Structure
  • 1821 – On the Natural Arrangement of Vertebrose Animals
  • 1824 – A Revision of the Family Equidae
  • 1824 – On the Natural Arrangement of the Pulmonobranchous Mollusca
  • 1825 – A List and Description of Some Species of Shells Not Taken Notice of by Lamarck
  • 1825 – An Outline of an Attempt at the Disposition of the Mammalia into Tribes and Families with a List of the Genera Apparently Appertaining to Each Tribe
  • 1826 – Vertebrata: Mammalia (diel fan appendiks B)
  • 1827 – Synopsis of the Species of the Class Mammalia
  • 1828 – Spicilegia Zoologica, or Original Figures and Short Systematic Descriptions of New and Unfigured Animals
  • 1829 – An Attempt to Improve the Natural Arrangement of the Genera of Bat
  • 1830 – A Synopsis of the Species of the Class Reptilia
  • 1830-1835 – Illustrations of Indian Zoology
  • 1831 – Description of Twelve New Genera of Fish, Discovered by Gen. Hardwicke, in India
  • 1831 – Descriptions of Some New Genera and Species of Bats
  • 1832 – Characters of a New Genus of Mammalia, and of a New Genus and Two New Species of Lizards, from New Holland
  • 1834 – Characters of a New Species of Bat (Rhinolophus, Geoffr.) from New Holland
  • 1837 – Description of Some New or Little Known Mammalia, Principally in the British Museum Collection
  • 1838 – A Revision of the Genera of Bats (Vespertilionidae), and the Description of Some New Genera and Species
  • 1839 – Descriptions of Some Mammalia Discovered in Cuba by W.S. MacLeay, Esq.
  • 1840 – A Synopsis of the Genera and Species of the Class Hypostoma (Asterias, Linnaeus)
  • 1840 – Shells of Molluscous Animals
  • 1844 – Catalogue of the Tortoises, Crocodiles, and Amphisbænians, in the Collection of the British Museum
  • 1845 – Catalogue of the Specimens of Lizards in the Collection of the British Museum
  • 1847 – A List of Genera of Recent Mollusca, Their Synonyma and Types
  • 1849 – Catalogue of the Specimens of Snakes in the Collection of the British Museum
  • 1850 – Figures of Molluscous Animals Selected from Various Authors
  • 1855 – Catalogue of Shield Reptiles in the Collection of the British Museum
  • 1860 – On the Arrangement of the Land Pulmoniferous Mollusca into Families
  • 1862 – A Hand Catalogue of Postage Stamps for the Use of the Collector
  • 1864 – Revision of the Species of Trionychidae Found in Asia and Africa, with Descriptions of Some New Species
  • 1866 – The Genera of Plants (net publisearre fragmint, mei R.A. Salisbury)
  • 1870 – Supplement to the Catalogue of Shield Reptiles in the Collection of the British Museum: Part 1, Testudinata (Tortoises)
  • 1872 – Catalogue of Shield Reptiles in the Collection of the British Museum: Part 2, Emydosaureans, Rhynchocephalia, and Amphisbaenians
  • 1873 – Notes on Chinese Mud-Tortoises (Trionychidae), with the Description of a New Species Sent to the British Museum by Mr. Swinhoe, and Observations on the Male Organ of this Family

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.