Doutzen Kroes
Doutzen Kroes (Gytsjerk[1][2], 23 jannewaris 1985) is in earder fotomodel. Hja is in ynternasjonaal topmodel. Doutzen is opgroeid yn Eastermar. Se wennet ôfwikseljend yn Amsterdam en New York.
Wurkpaad
[bewurkje seksje | boarne bewurkje]Modellewurk
[bewurkje seksje | boarne bewurkje]Nei't se slagge wie foar de Hafû, stjoerde se in pear fakânsjefoto's nei it modelleburo Paparazzi yn Amsterdam. Se woe graach wat byfertsjinje. It smiet mear op as't se ferwachte hie, want binnen twa jier wie se op itselde nivo as oare topmodellen.
Doutzen rint moadeshows foar Versace, Dolce en Gabbana en Gucci en se is it nije oansjen fan de parfumrige fan Calvin Klein. Yn 2006 hat se in kontrakt mei it kosmetikabedriuw L'Oréal ôfsletten. As it gesicht fan L'Oréal waard se it bêstbetelle model fan Fryslân en Nederlân ea.
Yn novimber 2007 waard bekend dat Doutzen it nije gesicht wurde sil fan it linzjerymerk Victoria's Secret.
 |
 |
 |
 |
Kroes heart sûnt 2008 by de top fiif fan de bêst betelle modellen. Yn 2007 stie sy al op it trettjinde plak. Se fertsjinne yn 2007 1,5 miljoen dollar. [3][4]
Doutzen hat yn 2009 yn Amsterdam de Lifetime Achievement Award wûn. Om't se al op sa'n jonge leeftyd it heechst helbere yn in modellekarriêre berikt hat, wie de sjuery it unanym iens oer it takennen fan de award. Ek waard se útroppen ta Miss Nederland Positief. Eardere winners wienen Yolanthe Cabau van Kasbergen en Liza Sips. Doutzen hat de titel te tankjen oan har positive útstrieling; se is nofteren, beskieden en in rolmodel foar jonge modellen.
Yn july 2009 is Doutzen it gesicht fan de C&A promoasjekampanje yn Brazylje en yn augustus 2009 wurdt Doutzen oankundige as nije ambassadeur fan de organisaasje dance4life. Dance4life set har yn om hiv en aids yn de wrâld werom te kringen. Sûnt novimber 2009 skriuwt hja ienris yn de moanne in kollum oer har libben yn de Nederlânske edysje fan 'Marie Claire.'[5]
Moadeline
[bewurkje seksje | boarne bewurkje]Doutzen is al sûnt 2008 it gesicht fan it lúkse kasjmirlabel Repeat. De eksklusive kolleksje yn ynspireaare op Doutzens har drokke libbensstyl wêryn't reizgjen sintraal stiet, en lekker sittende klean wichtich is. Yn oktober 2011 toande se yn Berlyn en München har eigen moadeline 'Repeat by Doutzen'. De kolleksje bestie út tsien items, wêrûnder jurkjes fan kasjmir, grou breide festen en komfortabele reisklean.
Filmografy
[bewurkje seksje | boarne bewurkje]| Film | |||
|---|---|---|---|
| Jier | Produksje | Rol | Opmerkingen |
| 2011 | Nova Zembla | Catharina Plancius | dochter fan Petrus Plancius |
| 2017 | Wonder Woman | Venelia | |
| 2017 | Justice League | Venelia | |
| 2020 | Wonder Woman 1984 | Venelia | |
| 2021 | Zack Snyder's Justice League | Venelia | |
| Telefyzje | |||
| Jier | Produksje | Rol | Opmerkingen |
| 2005-no | The Victoria's Secret Fashion Show | as harsels | model, presintatrise |
| 2008 | Waar is de Mol? | kandidaat | telefyzjeprogramma |
| 2013 | Are All Men Pedophiles? | as harsels | dokumintêre |
Praat mar Frysk
[bewurkje seksje | boarne bewurkje]Woansdei 21 novimber 2007 hie Doutzen besletten om foar de kampanje "Praat mar Frysk" warber te wurden. Se sil opblaaslippen mei de tekst "Praat mar Frysk" oer de hiele wrâld mei har mei tôgje en soargje dat se yn byld komme op de foto's dy't se dit kear sels meitsje sil. Op de kampanje-webside sil se de Friezen op de hichte hâlde.
Yn in yntervieuw mei Omrop Fryslân yn 2015 liet Kroes witte dat se har bern ek mei it Frysk grutbringt.
Persoanlik
[bewurkje seksje | boarne bewurkje]Doutzen hat twa jier (yn augustus 2009) ferkearing hân mei de Amerikaanske Greg Andrews (d.j. Ruckus), in neef fan de popsjonger Lenny Kravitz. Sy hawwe tegearre posearre foar it blêd Vogue.
Nei't sy en Andrews út elkoar wiene, is hja sjoen mei DJ/rapper Sunnery James op it Veronica Sunset Grooves Festival yn Hoek van Holland.[6] Op 7 novimber 2010 binne sy troud yn Amsterdam.[7]
Op 21 jannewaris 2011 waard harren earste berntsje berne, in jonkje, Phyllon Gorré. [8] July 2015 waard har' dochter Myllena Mae berne.
Yn de COVID-19 pandemy hat Kroes gearspanningsteoryen ferspraat oer COVID-19 en faksins. [9] Yn septimber 2021 ferklearre Kroes op Instagram dat se "net twongen wurde soe om de prip te nimmen", ferwizend nei it COVID-19 faksin. [10][11] Kroes, waans nettofermogen troch Quote rûsd wurdt op € 29 miljoen, waard ek bekritisearre omdat se oerheidskompensaasje oanfrege hat foar ynkommensferlies as gefolch fan COVID -19, wylst se tagelyk ferkearde ynformaasje oer de pandemy fersprate. [12]
Nijsgjirrich
[bewurkje seksje | boarne bewurkje]- Neist Doutzen docht ek Jane Fonda modellewurk foar L'Oréal en ek dy is fan fiere Fryske komôf.
- Yn it Madame Tussaud's waaksen byldemuseum yn Amsterdam stiet in byld fan Doutzen Kroes.
- Yn it maitiidsnûmmer 2009 fan V Man Magazine posearret Doutzen neaken foar fotograaf Sebastian Faena.
- Yn novimber 2009 ropt Doutzen fia twitter op ta ferset tsjin de oanlis fan de Sintrale As (Nyegea - Dokkum) as fjouwerbaanswei. (Dear Dutchies, wy moatte ús moaie Fryslân beskermje'.)[13]
- Yn maart 2012 sil se te sjen wêze yn telefyzjereklame foar it Wrâld Natoer Fûns mei har jonkje Phyllon.
Keppeling om utens
[bewurkje seksje | boarne bewurkje]- Startside Doutzen Kroes
- Oer Doutzen Kroes
- Filmke mei Doutzen oer de Praat Mar Frysk kampanje
- Profyl by YES Model Management
| Boarnen, noaten en/as referinsjes: |
|