Doarpstsjerke (Súdhorn)

Ut Wikipedy
Doarpstsjerke fan Súdhorn

Dorpskerk van Zuidhorn

bouwurk
lokaasje
lân Nederlân
provinsje Grinslân
gemeente Westerkertier
plak Noardhorn
adres Kerkstraat 18
bysûnderheden
type bouwurk Tsjerke
boujier ±1200
monumintale status ryksmonumint
monumintnûmer 41079 [1]
offisjele webside
Side doarpstsjerke fan Súdhorn

De Doarpstsjerke oan de Kerkstraat is in protestanske tsjerke yn Súdhorn.

Skiednis[bewurkje seksje | boarne bewurkje]

De tsjerke datearret oarspronklik út de 12e iuw. It âldste diel fan de tsjerke is de toer, dy't 13e-iuwsk is. Yn de 15e iuw folge de eastlike ferlinging fan de tsjerke mei it trijesidige koer. Yn de 16e iuw waard de tsjerke ferboud ta krústsjerke troch de tafoeging fan in transept. De hege, achtsidige spits op de toer waard yn de 17e iuw boud.

Ynrjochting[bewurkje seksje | boarne bewurkje]

Oargel

It tsjerkemeubilêr (preekstoel en dooptún, banken, hearebank) is 17e-iuwsk. Foar de preekstoel oer steane hearebanken mei yn it opsetstik it wapen fan de famylje Kant. It opsetstik heart eins by in oare bank, dy't eartiids yn it koer stie mar nei de ynrjochting fan de konsistoarje yn it koer nei de konsistoarjewand ferhûze.

Yn de tsjerke hingje twa roubuorden: in rouboerd foar Maurits Clant, ferstoarn yn 1734, en in rouboerd fan Bouwina Clant, ferstoarn yn 1704. Oer de flier lizze ferskillende sarken. De sarken krigen by de restauraasje fan de tsjerke yn 2000 in oer plak. De âldste sark datearret fan 1534.

Oargel[bewurkje seksje | boarne bewurkje]

Yn de tsjerke is in oargel fan Frans Casper Snitger, de pakesizzer fan Arp Schnitger en syn meiwurker Heinrich Hermann Freytag. It as ienmanualich oargel mei oanhongen pedaal waard troch Petrus van Oeckelen yn 1877 ferboud en Van Dam en Dekker yn 1924 feroare, sadat it oarspronklike ynstrumint syn karakter ferlear.

Neffens in rapport dat al yn 1973 troch Klaas Bolt skreaun wie waard yn de 21e iuw besletten ta in rekonstruksje fan it oargel yn de steat fan 1793. It wurk waard troch Mense Ruiter útfierd en yn 2013 foltôge.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: