De Regenboog (Surhústerfean)

Ut Wikipedy
Jump to navigation Jump to search
De Regenboog (De reinbôge)
Surhústerfean, De Regenboog ("De Reinbôge").jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Coat of arms of Achtkarspelen.jpg Achtkarspelen
plak Surhústerfean wapen.svg Surhústerfean
adres De Dellen 48
bysûnderheden
type bouwurk Tsjerke
boujier 2012
oare ynformaasje
webside Side Kristlike grifformearde frijmakke gemeente

De Regenboog (De Reinbôge) is de namme fan de tsjerke fan de kristlike grifformearde frijmakke gemeente yn Surhústerfean.

Skiednis kristlike grifformearde gemeente frijmakke[bewurkje seksje | boarne bewurkje]

Yn 2012 fusearren yn Surhústerfean de kristlike grifformearden mei de frijmakke grifformearden. Dat late ta de foarming fan de kristlike grifformearde frijmakke gemeente.

It earste tsjerkegebou fan de frijmakke gemeente datearre út 1951 en wie fan hout. Op it plak fan de earste tsjerke waard oan De Dellen neffens in ûntwerp fan it arsjitektenburo De Vries yn 1980 "De Ark" boud. Dy tsjerke is ferkocht oan de njonkenlizzende RABO-bank.[1]

De Feanster kistlik-grifformearden hiene sûnt 1980 in eigen gemeente. Foar dy tiid hearden hja by de gemeenten fan Droegeham of Kornhorn. Nei de foarming fan in eigen gemeente tsjerkten hja yn de herfoarme tsjerke. Yn 1996 waard de eardere húshâldskoalle oan De Dellen oankocht, dy't mei help fan gemeenteleden ta de Ichtustsjerke ferboud waard.[2]

Regenboog[bewurkje seksje | boarne bewurkje]

Yn maart 2011 kamen de beide gemeenten oerien om tegearre fierder te gean. [3] Besletten waard om yn it ramt fan de gearfoeging fan de gemeenten "De Ark" te ferkeapjen, wylst de "Ichtustsjerke" ferboud wurde soe. Tidens dizze ferbouwing krige de tsjerke in folslein nij oansjen en ek in nije namme.

It logo fan de tsjerke is in gearstalling fan in ichtusfisk en in arke (dy't referearje oan de âlde tsjerken) en in reinbôge.[4]

Boarnen, noaten en referinsjes[boarne bewurkje]

Boarnen, noaten en/as referinsjes: