Bruce Springsteen

Ut Wikipedy
Gean nei: navigaasje, sykje
Springsteen op it Roskildefestival 2012

Bruce Springsteen in Amerikaanske rocksjonger, gitarist en ferskeskriuwer. Hy is berne op 23 septimber 1949 yn Long Branch (New Jersy) en wurdt ek wol “The Boss” neamd. De musykproducer, kritikus en manager Jon Landau sei yn 1974 oer him: “I’ve seen Rock and Roll ‘s future and its name is Bruce Springsteen”.

Biografy[bewurkje seksje | boarne bewurkje]

Fan de jierren 60 ôf spile Springsteen yn meardere bands, wêrûnder The Castiles en Steel Mill . Yn 1972 waard de sjonger ûntdutsen troch John Hammond, dy't earder ek Bob Dylan ûntduts. Springsteen tekene yn dat jier in kontrakt by Hammond syn wurkjouwer  Columbia Records.

Syn earste albums “Greetings From Ashbury Park, NJ” en  “The Wild, the Innocent & the E Street Shuffle”  (beide fan 1973) waarden yn it begjin net in soad ferkoft.Hy wie eins bekinder as skriuwer fan lieten foar oaren. Sa hie Manfred Mann’s Earth Band sukses mei “Blinded by the light” en “Spirits in the night" en the Hollies mei “4th of July, Ashbury Park (Sandy)”.

Springsteen bruts yn 1975 troch mei syn tredde album "Born to Run". Syn begeliedingsband the E Street Band bestie doe út Clarence Clemons op saksofoan, Steve van Zandt op gitaar, Danny Federicy op oargel, Roy Bittan op piano, Garry Tallent op basgitaar en Max Weinberger op drums.  Hoewol’t der sa no en dan wol wat feroarje soe yn de geartstalling fan dizze band, der ek guon leden ferstoaren en Springsteen ek in tal solo-albums makke hat, is de kearn fan de E Street Band net feroare.

Ek syn fjirde album “Darkness on the Edge of Town,” dat yn 1978 ferskynde, waard in grut sukses. Dat wie noch mear it gefal mei “The River”, in dûbelalbum. Fan dit album kamen de hits “Hungry Heart” en “The River” dat yn de Top 2000 fan 2016 op in fjirtjinde plak stie. Nei dat album hienen de fans ferwachte dat er op deselde foet trochgean soe, mar hy kaam mei it ienfâldige en wat tsjustere “Nebraska”.

Yn 1984 kaam it album “Born in the USA” út, mei in tournee dy ‘t twa jier duorje soe. Sân lieten fan dit album waarden in hit. De titelsong wie in kritysk lied oer de Vietnamoarloch en de ekonomyske krisis, mar in soad Amerikanen (wêrunder president Ronald Reagen) seagen it as in pattriotysk lied. Dat Bruce Springsteen ek in hiele goede útfierder wie op it poadium, die bliken op it album “Bruce Springsteen & the E Street Band Live 1975-1985. “

Nei dat live album ferskynde wer in rêstiger en yntrofert album “Tunnel of Love” Yn 1989 naam er ôfskie fan de E Street Band. Yn 1992 ferskynden tagelyk de albums “Human Touch” en “Lucky Town”. Sommige kritisy fregen harren ôf oft it net better west hie en bring ien album út mei de bêste lieten fan beide. Yn it selde jier naam er in “unplugged” sessy op, dy’t foar it grutste part “plugged” wie. Ek brocht er it liet “Streets of Phiadelphia” út, foar de “soundtrack” fan de film Philadelphia. Dêrfoar krige er in Oscar foar it bêste liet en in Grammy Award.

Yn 1995 brocht er in “Greatest Hits”album út mei dêrop ek fjouwer nije lieten dy ‘t er spile mei de E Street Band. It folgjende album “The Ghost of Tom Joad” wie wer hiel kalm en yntrofert. Dat fierde er út tidens in solo tournee yn lytse téaters.Yn 1999 kaam de E Street Band op’e nij byelkoar nei it ferskinen fan “Tracks,” fjouwer cd’s mei lieten dy ‘t noch net earder útbrocht wienen. Dêrnei waard “Live in New York City”, útbrocht.

Nei de oanslagen op de Twin Towers naam er it album “The Rising” op, mei ûnder oaren “Empty sky”en “My City  of Ruins.” Yn 2005 brocht er it solo album “Devils & Dust” út, in soad minsken seagen de titelsong  as it bêste liet oer de ynfaasje yn Yrak. Yn 2006 kaam er mei “We Shall Overcome: The Seeger Sessions” mei lieten fan de Amerikaanske folksjonger Pete Seeger.

Dêrnei folge it album “Magic” (2007) dêr’t er yn 2009 in Award krige foar “Girls in their Summer Clothes”. Yn de hjerst fan 2008 sette Bruce Springsteen him bot yn foar  de ferkiezing fan Barack Obama. Hy naam ek diel oan in iepenloft konsert foar de ynauguraasje fan Obama, dêr ‘t rom 400.000 minsken wienen. Yn 2009 naam er “Working on a dream” op,  mei under oaren it liet “The Last Carnival” foar Danny Federici, de oargelspiler fan de E Street Band, dy ‘t ferstoar oan hûdkanker.

Yn 2011 kaam er mei in album mei opnames dy't makke wienen foar "Darkness on the Edge of Town" mar dy net earder útbrocht wienen "The Promise-the Lost Sessions: Darkness on the Edge of Town". Yn 2012 naam er it album “Wrecking Ball” op, it earste album sûnder “The Big Man”, saksofoanspiler Clarence Clemmons dy't stoarn wie. Yn 2014 kaam er mei “High Hopes” dêr ‘t neist de E Street Band ek de gitarist Tom Morello fan de band Rage Against the Machine op mei spilet.

Nei “High Hopes” hat er de albums “The Ties that Bind – The River Collection” (2015) en “Chaptes en Verse”(2016) útbrocht mei diels oare fersjes fan al earde útbrochte lieten. 

Dat er  in goede life “performer”is, docht ek bliken út it feit dat lêzers fan it Hollânske musykblêd “Lust For Life” him keazen hawwe as de bêste “live-act” fan alle tiden.

Bruce Springsteen wennet mei syn (twadde) frou Patti Scialfa en bern yn Rumson. Hy wie earder fan 1985 oant 1989 troud mei aktrise Julianne Phillips. Hy hat twa soannen en in dochter.

Diskografy[bewurkje seksje | boarne bewurkje]

Albums[bewurkje seksje | boarne bewurkje]

Albums Datum ferskinen Datum binnenkomst Heechste positie Tal wiken
Greetings from Asbury Park N.J. 1973 -
The Wild, the Innocent and the E-Street shuffle 1974 -
Born to Run 1975 11-10-1975 15 19
Darkness on the edge of town 1978 17-06-1978 24 21
The River 1980 25-10-1980 3 64
Nebraska 1982 02-10-1982 7 17
Born in the U.S.A. 1984 16-06-1984 1 60
Live 1975/85 1986 22-11-1986 2 16
Tunnel of Love 1987 17-10-1987 4 39
Human Touch 1992 11-04-1992 1 19
Lucky town 1992 11-04-1992 4 17
(Un)plugged 1993 24-04-1993 5 15
Greatest hits 1995 11-03-1995 3 50
The ghost of Tom Joad 1995 02-12-1995 16 23
Tracks 1998 21-11-1998 32 12
18 Tracks 1998 24-04-1999 92 8
Live in New York City 2001 07-04-2001 31 8
The rising 2002 10-08-2002 1 36
The essential 2003 15-11-2003 22 14
Devils & dust 2005 30-04-2005 1 19
Hammersmith Odeon, London '75 2006 04-03-2006 50 4
We shall overcome - The Seeger sessions 2006 29-04-2006 2 50
Live in Dublin 2007 29-06-2007 4 20
Magic 2007 06-10-2007 2 26
Working on a dream 2009 31-01-2009 1 33
Greatest hits 2009 13-06-2009 4 12
The promise 2010 20-11-2010 4 16
The collection 1973-84 2010 30-04-2011 47 1
Wrecking Ball 2012 10-03-2012 1 45
Collection: 1973-2012 2013 20-04-2013 78 1
High Hopes 2014 18-01-2014 1 7
The Ties That Bind 2015 12-2-2015 14 5
Chapter and Verse 2016 1-10-2016 5 12