Bisdom Aalborg

Domtsjerke fan it bisdom Aalborg

It Bisdom Aalborg (Deensk: Aalborg Stift) is ien fan 'e alve bisdommen fan 'e Deenske Folkstsjerke, wêrfan't tsien yn Denemark en ien yn Grienlân lizze. De Deenske Folkstsjerke is in evangelysk-luthersk tsjerkegenoatskip.

Skiednis

It hjoeddeiske bisdom Aalborg hat syn woartels yn it eardere bisdom Børglum, dat nei de reformaasje opheft waard. Mei de ynfiering fan it lutheranisme waard de lêste roomske biskop Stygge Krumpen yn 1536 ôfset. De biskopssit ferhûze doe ynearsten nei Nykøbing Mors, dêrnei nei Thisted en doe nei Hjørring. Yn 1554 ferhûze de biskopssit nei Aalborg.

Domtsjerke

De Wikipedy hat ek in side Domtsjerke fan Aalborg.

De domtsjerke fan it bisdom Aalborg is de De Sint-Botulfustsjerke (Deensk: Budolfi Kirke) yn Aalborg.

Leden

Yn 2023 wiene 433.130 ynwenners fan it bisdomgebiet lid fan 'e Deenske Folkstsjerke, mear as 80% fan it totale oantal bewenners yn it gebiet.

Organisaasje

Gebiet fan it bisdom Aalborg

It bisdom Aalborg omfiemet 10 fan 'e 11 gemeenten yn Noard-Jutlân (de gemeente Vesthimmerland is by it bisdom Viborg yndield) en makket mei goed 7.000 km² goed in sechde út fan it oerflak fan Denemark.

It bisdom is ferdield yn 14 proasdijen (provstier), dêr't 296 parochy's (sogne) en 330 tsjerken by hearre (sifers 2023).

Brønderslev-Dronninglund Provsti Frederikshavn Provsti Hadsund Provsti Hjørring Nordre Provsti Hjørring Søndre Provsti Jammerbugt Provsti Morsø Provsti	Rebild Provsti Sydthy Provsti Thisted Provsti Aalborg Budolfi Provsti Aalborg Nordre Provsti Aalborg Vestre Provsti Aalborg Østre Provsti

List biskoppen

1554–1557: Laurids Nielsen 1557–1587: Jørgen Mortensen Bornholm 1587–1609: Jacob Jensen Hol 1609–1642: Christen Hansen 1642–1668: Anders Andersen Ringkjøbing 1668–1672: Morits Kønning 1672–1683: Mathias Foss 1683–1693: Henrik Bornemann 1693–1708: Jens Bircherod 1708–1735: Frands Thestrup 1735–1737: Christoffer Mumme 1737–1778: Broder Brorson 1778–1806: Christian Beverlin Studsgaard 1806–1827: Rasmus Jensen 1833–1851: Nikolai Fogtmann	1851–1856: Severin Claudius Wilken Bindesbøll 1856–1875: Peter Christian Kierkegaard 1875–1888: P. E. Lind 1888–1900: Vilhelm Schousbue 1900–1905: Frederik Nielsen 1905–1915: Christen Møller 1915–1930: Christian Ludwigs 1930–1940: Paul Oldenbourg 1940–1950: D. von Huth Smith 1950–1975: Erik Jensen 1975–1991: Henrik Christiansen 1991–2010: Søren Lodberg Hvas 2010–2021: Henning Toft Bro 2021-  : Thomas Reinholdt Rasmussen

Keppeling om utens

• Hiemside fan it bisdom Aalborg

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Bisdom Aalborg fan Wikimedia Commons.