Berjocht:Side fan de wike 2023/wike 3
De Winchester Model 1873 is in model hefboomladend repeteargewear fan 'e Amerikaanske Winchester Repeating Arms Company, dat foar it earst op 'e merk brocht waard yn 1873. It wie in modernisearre ferzje fan it earste model Winchester, de populêre Winchester Model 1866. De Winchester Model 1873 woeks út ta in noch folle súksesfoller fjoerwapen, dat in grutte rol spile by de kolonisaasje fan it Wylde Westen. It gewear krige sadwaande de bynamme "The Gun that Won the West". Ek oardel iuw letter is de Winchester Model 1873 (of Winchster '73, sa't er ek wol neamd wurdt) noch altyd in kultureel ikoan fan 'e Feriene Steaten.