Montevideo

Ut Wikipedy
Gean nei: navigaasje, sykje


Wiki letter w.svg
Dit artikel is in stobbe oer geografy.
Jo wurde útnoege en foegje jo witten hjir ta.


Montevideo
WTC Free zone, WTC IV, WTC I, II & III, Montevideo Shopping, torre náutica, Torres del Puero.jpg
Sifers
Ynwennertal 1.336.878 (2010)
Oerflak 209 km²
Befolkingstichtens 2.546 / km² (206)
Stêdekloft 1.800.000 op 1350 km²
Hichte 43 m
Polityk
Lân Urûguay
Departemint Montevideo
Oar
Stifting 1726
Koördinaten
Webside Offisjele webside Montevideo
Haven fan Montevideo

Montevideo is de haadstêd fan Urûguay. De stêd leit op de noardouwer fan it estuarium fan de Río de la Plata, dy't op dat plak 200 kilometer breed is (justjes besuden Buenos Aires, Argentynje). It oantal ynwenners berint sa'n 1,3 miljoen, benei de helte fan de totale befolking (3,3 miljoen ynw, 2004) fan it lân. De hiele metropoal (mei de departeminten Canelones en dielen fan San José) hat sa'n 1,8 miljoen ynwenners. Yn Urûguay wurde kontreien dy't bûten dat gebiet lizze oantsjut as interior, 'binnenlân'.

Montevideo waard stifte yn 1726 troch Bruno Mauricio de Zabal', as in strategyske set yn it Spaansk-Portegeesk skeel oer de Rio Plata-regio en as tsjinhinger fan de Portegeeske koloanje by Colonia del Sacramento.

De stêd hat yn 1807 in skoftke ûnder Britsk bewâld stien en wie belutsen by de earste grutte seeslach yn de Twadde Wrâldkriich: de Slach fan de Rio Plata. It is ek it plak dêr't de Montevideo-konvinsje yn 1933 tekene waard, troch njoggentjin Amerikaanske naasjes. Yn 1930 waard it earste wrâldkampioenskip fuotbal yn Urûguay holden. De iennige stêd dy't doe de stadions foar de wedstriden hie wie Montevideo.

Montevideo is it ekonomyske sintrum fan it lân. De stêd leit oan in baai, dy't in natuerlike haven foarmet, en op de haadrûte fan weitransport fan Buenos Aires nei Porto Alegre yn Brazylje. De stêd hat it haadkantoar fan de Mercosur en de Asociación Latinoamericana de Integración. Montevideo hat in ryk kultuereel (û.o. de tango en kandombe) en arsjitektoanysk erfgoed.

It libbensnivo yn Montevideo is heech, it heechste fan Latynsk-Amearika[1] en beheart ta de 30 meast feilige stêden fan de wrâld[2].

Klimaat[bewurkje seksje | edit source]

De stad hat in waarm seeklimaat (Cfa neffens de klimaatklassifikaasje fan Köppen) mei in trochsneed jiertemperatuer fan 16,3 graden Celsius. Troch de súdlike wyn út Patagoanje wei (de Pampero) kin it der simmers fris en winterdeis koel oanfiele. Maksimum deitemperatuer yn de simmer leit trochstrings tusken de 30 en 40 graden en skommelje yn de winter tusken de 10 en 15 graden. Der falt likernôch 1000 mm delslach it jier.

Sport[bewurkje seksje | edit source]

Montevideo is de sporthaadstêd fan it lân. Fan de 16 klups yn de Primera División komme der 14 út de stêd. De grutste twa fuotbalklups binne Nacional en Peñarol, de grutte twa fan Urûguay en twa fan de meast wichtige fuotbalklups yn Súd-Amearika, dy't meielkoar al 81 kear (fan de 103) it lânskampioenskip wûn hawwe.

Wiken yn Montevideo[bewurkje seksje | edit source]

Stedsdielen Montevideo
Montevideo út de romte wei sjoen
  1. Ciudad Vieja
  2. Centro
  3. Barrio Sur
  4. Aguada
  5. Villa Muñoz
  6. Cordón
  7. Palermo
  8. Parque Rodó
  9. Tres Cruces
  10. La Comercial
  11. Larrañaga
  12. La Blanqueada
  13. Parque Batlle, Villa Dolores
  14. Pocitos
  15. Punta Carretas
  16. Unión
  17. Buceo
  18. Malvín
  19. Malvín Norte
  20. Parque Guaraní, Las Canteras
  21. Punta Gorda
  1. Carrasco
  2. Carrasco Norte
  3. Bañados de Carrasco
  4. Flor de Maroñas
  5. Maroñas, Parque Guaraní
  6. Villa Española
  7. Ituzaingó
  8. Castro (of Pérez) Castellanos
  9. Mercado Modelo, Bolivar
  10. Brazo Oriental
  11. Jacinto Vera
  12. La Figurita
  13. Reducto
  14. Capurro, Bella Vista
  15. Prado
  16. Atahualpa
  17. Aires Puros
  18. Peñarol
  19. Belvedere
  20. La Teja
  21. Tres Ombúes, Pueblo Victoria
  1. Cerro
  2. Casabó, Pajas Blancas
  3. La Paloma, Tomkinson
  4. Paso de la Arena
  5. Nuevo París
  6. Conciliación
  7. Sayago
  8. Peñarol, Lavalleja
  9. Colón Centro y Noroeste
  10. Lezica, Melilla
  11. Colón Sudeste, Abayubá
  12. Manga, Toledo Chico
  13. Casavalle
  14. Cerrito
  15. Las Acacias
  16. Jardines del Hipódromo
  17. Piedras Blancas
  18. Manga
  19. Punta de Rieles, Bella Italia
  20. Villa García, Manga Rural

Berne yn Montevideo[bewurkje seksje | edit source]

Delmira Agustini
José Gervasio Artigas
Juan Zorrilla de San Martín
Carlos Vaz Ferreira.

Keppeling om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. (in) International Mercer of Human Resources
  2. (in) Property in Uruguay