Masturbaasje

Ut Wikipedy
Gean nei: navigaasje, sykje
Gustav Klimt: Sittende frou (1916).

Masturbaasje is it sels befredigjen (stimulearjen) troch it eigen geslachtsdiel oan te reitsjen. It wurdt net altyd dien oant in orgasme. Der binne masines en seksboartersguod makke om it noch lekkerder of ienfâldiger te meitsjen, mar meastentiids bart it mei de hân. Der binne fan masturbaasje gjin bekende sûnensrisiko's. Nei it masturbearjen kin men wol in skoft slieperich wêze.

Froulike masturbaasje[bewurkje seksje | edit source]

Froulju hawwe ferskate wizen fan masturbearjen. Yn it generaal wriuwe froulju oer it skie en benammen it klitoris. Hja stekt der guon fingers yn de fagina en wriuwt oer de foarside fan de fagina. De frou kin in fibrator of in dildo brûke, dit buortersguod hat it stimulearjen fan de fagina en klitoris ta doel. Somtiden brûkt in frou de hurde striel út de dûskop om de klitoris te stimulearjen. Har anale part is lyksa gefoelich en wurdt soms ek stimulearre ûnder it masturbearjen. Guon froulju fine it noflik de boarsten en spiennen te stimulearjen. It faginale part wurdt wiet mei it stimulearjen. Meastentiids folget oan de ein fan it stimulearjen in orgasme. In orgasme is in yntensyf en noflik gefoel. Guon froulju kinne yn in beskate tiid ferskate orgasmes krije, guon krije hielendal net in orgasme.

Manlike masturbaasje[bewurkje seksje | edit source]

Manlike masturbaasje

Normaal hâldt de man syn pyst (ferstyfd) yn syn hân en beweegt op en del. Manlju fine it ek noflik om oare gefoelige plakjes oan te reitsjen lykas de balsek, de anus en spiennen. Nei it masturbearjen folget meastentiids in orgasme. Under in manlik orgasme komt der sperma út de pyst frij. Manlju fine de sensaasje fan de ejakulaasje noflik. Foar manlju is it dreech mear as ien orgasmes koart efter inoar te krijen.