Pornoblêd

Ut Wikipedy
Gean nei: navigaasje, sykje

In pornoblêd is in tydskrift dat him konsintrearret op of benammen bekend is om it publisearjen fan pornografyske foto's fan froulike en/of manlike pornoakteurs. Pornoblêden ferskine yn 'e regel ien kear yn 'e moanne. Bekende foarbylden fan pornoblêden binne Hustler en Private.

Pornoblêden moatte net betize wurde mei neakenblêden. It ferskil is dat op 'e foto's yn neakenblêden inkeld neaken posearre wurdt, wylst op foto's yn pornoblêden ek seksuële hannelingen ferrjochte wurde. De skiedline leit by masturbaasje, dat pornografysk is, hoewol't pornoblêden ornaris fierder geane as dat en fleislike mienskip tusken in man (of mear manlju) en in frou (of mear froulju) sjen litte (yn it gefal fan lesbyske of homoseksuële porno fansels tusken froulju, resp. manlju ûnderling). Yn 'e Feriene Steaten wurdt trouwens ienfâldige neakenfotografy faak ek al as pornografy oantsjut, sadat neakenblêden as de Playboy en de Penthouse dêr gauris "pornoblêden" neamd wurde. Dy klassifisearring is koartby oerwaaid nei Jeropa; dêrfandinne dat men dat hjir no inkeld ek alris heard. Yn wurklikheid leit it lykwols oars.