Bullemûne

Ut Wikipedy
Gean nei: navigaasje, sykje
Bullemûne

De Bullemûne is in achtkante poldermole efkes ten easten fan Lekkum yn de gemeente Ljouwert.

De Bullemûne, in mealreeë grûnsiler dy't oan de Bonke stiet, waard yn 1825 delsettten foar it bemeallen fan de Bulle- en Litspolder. Earder hie hy dyselde funksje foar de polder Lousmar by Tytsjerk, 8 km. súdliker. De Bullemûne soe syn namme ûntliene oan it berop fan ien fan syn eigeners, dy't boal fan Ljouwert wie. It wie ien fan de earste mûnen mei fokwjukken. De Bullemûne waard restaurearre yn 1968. De mole mei in flecht fan 20,50 m. is mealree yn sirkwy.

Yn 1971 gie de mûne oer nei wetterskip De Wâlden, dy't al sûnt 1969 ferantwurdlik wie foar it wetterpeil yn de Grutte Lekkumerpolder. De Bullemole krige doe in dieselynstallaasje en de kombinearre bemealling mei wyn wurke goed. Yn 1983 baarnde it mûndershúske derneist ôf.

Sûnt 1988 is de Bullemûne eigendom fan de Stifting De Fryske Mole, dy't him yn 1995 fannijs restaurearje liet troch molemakker Th. Jellema út Burdaard. Dêrby waarden ûnder mear de skroef en in roede, in lange sprút ferfongen en krige de mûne in nij kroasstek. Tsjintwurdich stiet de Bullemûne, dy't eartiids diel útmakke fan in iepen polderlânskip, oan de râne fan in nijbouwyk fan Ljouwert. De mûne is op ôfspraak te besichtigjen.

Yn 2006 waard de Bullemûne troch it Wetterskip Fryslân oanwiisd as reservegemaal yn gefal fan wetteroerlêst. Op it stuit (2008) wurdt yn de Bullepolder in wenwyk oanlein. De oanlis fan de wyk behindert de wynfang en it sicht op de mûne.

Sjoch ek[bewurkje seksje | edit source]

Keppeling om utens[bewurkje seksje | edit source]