Wytstirns

Ut Wikipedy
Gean nei: navigaasje, sykje
Wytstirns
Common Tern.jpg
taksonomy
Klasse: Aves (fûgels)
Skift: Wilstereftigen (Charadriiformes)
Famylje: Stirnzen (Sternidae)
soarte
Sterna hirundo
Sterna hirundo

De Wytstirns (Sterna hirundo) is in fûgel út de famylje fan de stirnzen (Sternidae).

Oare Nammen[bewurkje seksje | boarne bewurkje]

De wytstirns wurdt yn it Frysk ek wol fiskedief, fiskefanger, skotstirns as tiereliertsje neamd.

Foarkommen[bewurkje seksje | boarne bewurkje]

De Wytstirns hat in protte fan de Noardske Stirns, mar is in bytsje lytser. Hy wurdt sa'n 35 sm grut en hat in wjukspanwiidte fan sa'n 70 oant 80 sm. De fine wytstirns hat in swellesturt en in reade snaffel mei in swarte punt. De fearren binne wyt oant ljochtgriis en boppe op de kop is de fûgel swart. Syn poaten binne read.

Fersprieding[bewurkje seksje | boarne bewurkje]

De Wytstirns komt foar oan de kust fan seeën en by it binnenwetter yn sawat hiel Jeropa. Yn de winter lûke se nei it suden en westen fan Afrika.

Iten[bewurkje seksje | boarne bewurkje]

De Wytstirns dûkt by it iten sykjen yn it wetter. Sa pakt er meast lytse fiskjes. Mar hy yt ek weakdieren en ynsekten.

Fuortplanting[bewurkje seksje | boarne bewurkje]

De Wytstirns briedet fan maaie oant augustus op net al te bot begroeide rots- as sâneilântsjes. Yn it binnenlân wurde faak keunstmjittich eilântsjes foar de fûgels yn it wetter lein. Yn it nêst, in kûltsje dat mei wat gêrs oanklaaid wurdt, leit it wyfke ien oant fjouwer aaien. De sa'n fjouwer sm. grutte aaien wurde yn trije wiken troch beide âlden útbrieden. It duorret dan noch trije oant fjouwer wike oant de jongen útfleane.

Sjoch ek[bewurkje seksje | boarne bewurkje]

Commons Commons: Wytstirns – foto, fideo en harktriemmen