Norden

Norden
Polityk
Lân	Dútslân
Provinsje	Nedersaksen
Landkreis	Aurich
Boargemaster	Barbara Schlag
Sifers
Ynwennertal	25.044 (2010)
Oerflak	106,33 km²
Befolkingsticht.	236 km²
Hichte	7 m
Oar
Stifting	yn 880 neamd
Postkoade	26506, 26492–26496, 26501, 26519–26520
Koördinaten	12′ NB, 5° 47′ EL
Offisjele webside
www.norden.de

Norden (Nedersaksysk: Nörden) is in stêd en gemeente yn de Dútske dielsteat Nedersaksen, yn it distrikt Aurich en oan de Waadseekust. De stêd telt 25.000 ynwenners.

De regio Norden moat it ekonomysk sjoen fan de lânbou en it toerisme hawwe. De stêd hat goed 27 kilometer seedyk en in haven foar de fearboaten nei de eilannen Júst en Norderney. De stedsdielen Norddeich en Westermarsch II fiere sûnt 1979 offisjeel it prdekaat „Staatlich anerkanntes Nordseebad“. Op 24 juny 2010 ferliende de Nedersaksyske minister fan Ekonomyske Saken, Jörg Bode, it predikaat „Nordseeheilbad“ oan beide stedsdielen, de heechste toeristyske ûnderskieding. Op 't heden is Norden-Norddeich it grutste offisjeel erkende Seeheilbad oan de East-Fryske Noardseekust. Al yn de fyftiger jierren waard Norden mei de slogan "Das Grüne Tor zum Meer" as fakânsjeoarde oanpriizge. Allinne al yn it simmerseizoen fan 2007 waarden der mear as 900.000 oernachtingen teld.

Ut de skiednis

Al yn 880 wie der in delsetting mei de namme Norden. Dat jier wûnen de Friezen dêr in fjildslach fan de Noarmannen. Norden krige yn 1255 stedsrjochten en is sa de âldste stêd yn East-Fryslân. Meidat de see-earm de Leybocht grutte parten lân fuortfriet, wie Norden fan de 15e oant de 17e iuw in seehaven. Yn de Twadde Wrâldkriich roan de stêd suver gjin oarlochsskea op. Oant 1977 wie Norden in selsstannich distrikt. Yn 2005 fierde Norden dat it 750 jier lyn stêdsrjochten krige.

Bestjoerlike yndieling

Lizzing Norden yn Nedersaksen

Stedsdielen foar de gemeentlike weryndieling

Alle neikommende stedsdielen, útsein Bargebur, foarmje no it stedsgebiet Norden, dat sels gjin stedsdiel mear is.

• Armenplatz
• Bargebur (enklave)
• Ekel
• Lintel
• Norden-Neustadt
• Westgaste
• Westlintel
• Zingel

Stedsdielen nei de gemeentlike weryndieling

• Bargebur
• Tidofeld
• Leybuchtpolder
• Lintelermarsch
• Neuwesteel
• Norddeich
• Süderneuland I
• Süderneuland II
• Ostermarsch
• Westermarsch I
• Westermarsch II

Polityk

Gearstalling gemeenteried

De gemeenteried bestiet út 34 leden, plus in sit foar de keazen boargemaster. De raad sjocht er sûnt septimber 2006 sa út:

Partij	Sitten
SPD	14
Christlich Demokratische Union Deutschlands (BRD) (CDU)2	6
Wählergruppe Zukunftsorientierter Bürger (ZoB)2	11
Bündnis 90/Die Grünen2	2
FDP2	1
Boargemaster1	1

¹ De boargemaster is amtshalve lid fan de ried
² De fraksjes CDU, ZoB, Bündnis 90/Die Grünen en FDP foarmje ien groep yn de rie, de Allianz.

Stedebannen

De gemeente hat stedebannen mei:

• Bradford-on-Avon yn Grut-Brittanje
• Pasewalk yn Mecklenburg-Voor-Pommeren

• 
  "Dree Süsters" (Trije Susters)
• 
  Nije Riedhûs
• 
  Ald riedhûs en teemuseum
• 
  Ludgeri-Kirche (St.-Liudgertsjerke)
• 
  Monumint Joadske begraafplak
• 
  Westgaster Mole
• 
  Tsjerke fan Baptistegemeente
• 
  Stêdsdiel Norddeich

Berne yn Norden

• Rudolph Garrels -1675-1750 Oargelbouwer

Keppelings om utens

• www.Norden.de - Webside fan de gemeente (dú)
• Norddeich (dú)
• Seehûnestasjon Norddeich (dú)
• Waadrinne (dú)

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Norden fan Wikimedia Commons.

Boarnen, noaten en referinsjes

Boarnen, noaten en/as referinsjes: