Oldehove

Dit artikel hannelet oer it Grinslânske doarp Oldehove. Foar de toer yn Ljouwert, sjoch Aldehou (toer).

De Liudgertsjerke yn Oldehove (2008)

Oldehove (Grinslânsk: Ol hoof) is in doarp yn it noarden fan de Grinslânske gemeente Westerkertier. Yn 2018 wennen der 1.280 minsken.

Beskriuwing

Oldehove leit yn de streek dy't it Humsterlân neamd wurdt. De namme fan it doarp komt foar yn in pear tsjerkelisten út de fyftjinde iuw.

Oant 1990 wie Oldhove it haaddoarp fan in selsstannige gemeente mei deselde namme, mar yn dat jier gong dy op yn de gemeente Súdhorn.

Yn it doarp stiet de protestantske Liudgertsjerke, dy't yn de trettjinde iuw boud is. De toer fan de tsjerke datearret lykwols út de fyftjinde iuw. Yn Oldehove stean fierder twa nôtmûnes: de Aeolus út 1846 en De Leeuw, dy't yn 1855 boud waard. Noardeastlik fan de tsjerke lei de Englumboarch mei in, súdeastiker lizzende koaipleats derby.

Sa'n twa kilometer noardwestlik fan Oldehove stiet oan it Reitdjip it gemaal De Waterwolf, dat yn 1920 setten is en doe it earste elektrysk oandreaune gemaal fan Nederlân wie.

• 
  De tagong ta de Liudgertsjerke (2008)
• 
  De Aeolus (2008)
• 
  De Leeuw (2008)

Keppeling om utens

• Webstee Oldehove

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Oldehove (Grinslân fan Wikimedia Commons.