Navarra

Navarra
Flagge	Wapen
Lokaasje yn Spanje
Algemien
Haadstêd	Pamplona
Oerflakte	10.391
Befolking	600.027
Befolkingstichtens	60,22
Oare ynformaasje
Heechste punt
Provinsjes

Navarra (offisjeel: Comunidad Foral de Navarra) is ien fan de 17 autonome mienskippen fan Spanje, en waard as sadanich oprjochte yn 1982. It leit yn it noarden fan it lân, eastlik fan Baskenlân en Frankryk, noardlik fan La Rioga en westlik fan Arragon. Navarra is sawol in selsstannige regio as in provinsje, krekt as Kantaabrje en Astuerje. Haadstêd fan Navarra is Pamplona (Baskysk: Iruña), in stêd mei om-ende-by 190.000 ynwenners.

Taal

Yn Navarra wurdt sawol Spaansk as Baskysk sprutsen. Kultureel en histoarysk besjoen heart it by it Baskyske gebiet. Eartiids makke it ek diel út fan it Keninkryk Navarra. De lêste jierren ferliest it Baskysk yn Navarra lykwols terrein op it Spaansk, omdat de taal yn tsjinstelling ta de oanbuorjende regio Baskenlân amper yn it ûnderwiis brûkt wurdt.

Bestjoerlik

Neffens regionale wetjouwing is Navarra ûnderferdield yn trije taalsônes. Yn de zona vascófona (Baskyske taalsône) en de zona mixta (twatalige sône) wurdt it Baskysk op bepaalde nivo's as offisjele amtstaal brûkt, wylst yn de zona no vascófona (net-Baskyske taalsône) allinnich it Spaansk in offisjele status hat.