Wapen fan Feankleaster
It wapen fan Feankleaster is it wapen fan it doarp Feankleaster, yn de Fryske gemeente Noardeast-Fryslân. It wapen waard yn 1976 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Yn blau in sulveren swan, en in skyldseam fan itselde, belein mei acht swarte krúskes.
De heraldyske kleuren binne: azuer (blau), sulver en sabel (swart).
Symbolyk
[bewurkje seksje | boarne bewurkje]- Swan: oernommen út it wapen fan de famylje Fogelsangh, de famylje bewenne de Fogelsanghstate yn it doarp.
- Krúskes: ferwize nei it kleaster De Olijberg (Mons Oliveta). Op it plak fan it kleaster stiet hjoed-de-dei de Fogelsanghstate.
